கோலியிடம் பேட்டை பரிசாக பெற்ற பஞ்சாப் இளம் வீரர்…!!!

ஐபிஎல் தொடரில், கடந்த 20 ஆம் தேதி முல்லன்பூரில் நடைபெற்ற லீக் போட்டியில் ராயல் சேலஞ்சர்ஸ் பெங்களூரு மற்றும் பஞ்சாப் கிங்ஸ் அணிகள் மோதின.

இந்தப் போட்டியில் பெங்களூரு அணி பஞ்சாப் கிங்ஸ் அணியை 7 விக்கெட் வித்தியாசத்தில் வீழ்த்தி அபார வெற்றி பெற்றது.

இந்தப் போட்டியில் விராட் கோலி ஆட்ட நாயகன் விருதை வென்றார்.போட்டி முடிந்ததும், பஞ்சாப் அணியின் இளம் வீரரான முஷீர் கான், விராட் கோலியை நேரடியாக சந்தித்தார். அப்போது, ​​முஷிர் கான், விராட் கோலியிடம் தனக்கு ஒரு பேட் பரிசாக வழங்குமாறு கேட்டார்.அதைக் கேட்டதும், விராட் கோலி உடனடியாக தனது மட்டைகளில் ஒன்றை முஷிர் கானுக்குப் பரிசளித்து, அவருடன் ஒரு படத்தையும் எடுத்துக் கொண்டார்.

முஷீர் கான் அதை புன்னகையுடன் பெற்றுக்கொண்டு பஞ்சாப் அணியின் டிரஸ்ஸிங் அறைக்குச் சென்றார். அங்கு, அவரது சக வீரர், “இது யாருடைய பேட்?” என்று கேட்டார்.

அதற்கு முஷிர் கான் மகிழ்ச்சியுடன், “இது விராட் பாய் எனக்குக் கொடுத்த பேட்” என்று பதிலளித்தார். விராட் கோலி பரிசைக் கொடுத்தபோது தான் அழுததாகவும் அவர் கூறினார்.