சூப்பர் ஸ்டார் நடித்த `ஜெயிலர்´ மூவி 2023, ஆகஸ்ட் 10-ஆம் தேதி தியேட்டர்களில் வெளியானது. இப்படம் வெளியாகி ரசிகர்களிடம் பெரும் வரவேற்பை பெற்றது. அதோடு பிளாக் பஸ்டர் மூவியாக வெற்றிநடை போட்டு வருகிறது. இப்படத்தின் தயாரிப்பு நிறுவனம் சன் பிக்சர்ஸ். இப்படத்தை இயக்கிய நெல்சன் திலீப்குமார் எதிர்பார்க்காத அளவிற்கு முதல் நாளிலேயே சூப்பர் டூப்பர் ஹிட் கிடைத்தது.
இப்படத்தில் ரம்யா கிருஷ்ணன்,யோகிபாபு, சிவராஜ் குமார், சுனில், தமன்னா, சரவணன் என பலரும் நடித்துள்ளனர்.
ப்ளூ சட்டை மாறனை தெரியாதவர்கள் இங்கு எவரும் இல்லை. நெகடிவ் கமெண்ட், மீம்ஸ் மூலம் தனக்கென ரசிகர்களையும் பெற்றுள்ளார்.முன்னணி நடிகர்களையும் இவர் விட்டு வைப்பதில்லை. கேலி செய்தும், கிண்டல் அடித்தும் விமர்சனங்களை தெறிக்க விடுவார்.
இதனால் நடிகர்களின் ரசிகர்கள் அவர்மீது கோவம் கொண்டு அவரை காலாய்த்தும் வருவார்கள்.
ஜெயிலர் மூவி ரிலீஸ் ஆகுவதற்கு முன்பிலிருந்தே படம் குறித்து விமர்சனங்களை கூறி வந்தார்.இப்படம் ரிலீஸ் ஆன முதல் நாளிலேயே படத்தைப் பார்த்து விட்டு வழக்கம்போல் விமர்சனம் செய்தார். இப்படத்தின் வசூல் குறித்து பல விமர்சனங்களைப் பதிவிட்டு வந்தார்.
அதற்கு முற்றுப்புள்ளி வைக்கும் விதமாக சன் பிக்சர்ஸ் நிறுவனம் ஜெயிலர் படத்தின் முதல் வார வசூல் குறித்த தகவலை வெளியிட்டது. சுமார் 375.40 கோடிக்கு மேல் வசூலித்ததாக கூறியது.
தற்போது ப்ளூ சட்டை மாறன் புதிய கதை ஒன்றை கட்டி வருகிறார். ரஜினி தன்னை நேரில் பார்க்க அழைத்ததாக கூறி புதிய கதையை ஆரம்பித்துள்ளார்.
ரஜினி இமயமலைக்கு செல்வதற்கு முன் தன்னை பார்க்க வேண்டும் என்று கூறுவதாக ரஜினிக்கு நம்பிக்கைக்குரிய பத்திரிக்கையாளர் ஒருவர் தன்னை தொடர்பு கொண்டதாக கூறினார்.
தனக்கு சற்று தயக்கமாக இருந்ததாகவும் கூறினார். ரஜினி உங்கள் மீது கோபமாக இல்லை. நீங்கள் பயப்பட வேண்டாம். அவர் மிகவும் அன்பானவர். நீங்கள் அவரிடம் நேரில் பேசினால் அனைத்தும் சரியாகிவிடும் என்று அந்தப் பத்திரிக்கையாளர் கூறியதாக கூறினார்.
ப்ளூ சட்டை மாறன் ரஜினியிடம் இந்த சந்திப்புத் தருணத்தை வீடியோ எடுக்க அனுமதி கேட்டதாகவும், அதற்கு முதலில் ரஜினி மறுத்ததாகவும் கூறினார். பின்னர், ஒரு சில நிபந்தனைகளுடன் வீடியோ எடுக்க ரஜினி அனுமதி அளித்ததாக கூறினார்.
சமூக ஊடகங்களில் வீடியோவை வெளியிடக் கூடாது என்று எழுதி வாங்கிக் கொண்டதாகவும் கூறினார். இந்த சந்திப்பு என் வாழ்நாளில் மிக கசப்பான நிகழ்வு என்றும், மறக்க முடியாத நாள் என்றும், தான் அவமானப்படுத்தப்பட்டதாகவும் புலம்பி வருகிறார்.
ஓரிரு தினங்களுக்கு முன்பு தன்னுடைய ட்விட்டர் பக்கத்தில் அந்த வீடியோவை 11 மணியளவில் வெளியிட போவதாக கூறி எல்லோரிட ஆர்வத்தையும் தூண்டினார். பலரும் அதற்காக காத்திருந்தனர்.ப்ளூ சட்டை மாறன் வடிவேல் காமெடி வீடியோ ஒன்றை வெளியிட்டு ரசிகர்களுக்கு விபூதி அடித்து விட்டார்.
நெட்டிசன்கள் அனைவரும் அவரிடம் கேள்வி எழுப்பினர். கண்டிப்பாக வீடியோவை வெளியிடுவேன் என்று பதிலளித்தார்.
ரஜினி இவ்வளவு தூரம் இறங்கிப் போபவர் இல்லை என்று ரஜினி ரசிகர்கள் கூறி வருகின்றனர். ப்ளூ சட்டை மாறன் உருட்டுகிறார் என்றும் கூறி வருகின்றனர்.