செம்பவாங் கப்பல் கட்டும் தளத்தை சீரமைக்க தனியாருடன் இணையும் URA..!!!

சிங்கப்பூர்: சிங்கப்பூரின் நகர மறுசீரமைப்பு ஆணையம் (URA) செம்பவாங் கப்பல் கட்டும் தளத்தை சீரமைக்க தனியார் துறையுடன் இணைந்து செயல்படுகிறது.

செம்பவாங் கப்பல் கட்டும் தளத்தில் எதிர்கால கடலோர மண்டலத்தை வடிவமைக்க தனியார் துறையைச் சேர்ந்த திட்டமிடுபவர்கள் மற்றும் கட்டிடக் கலைஞர்களிடமிருந்து ஆலோசனைகளையும் பரிந்துரைகளையும் பெற ஆணையம் தொடங்கியுள்ளது.

செம்பவாங் கப்பல் கட்டும் தளம் 1938 இல் திறக்கப்பட்ட செம்பவாங் கடற்படைத் தளத்தின் ஒரு பகுதியாகும்.

சிங்கப்பூர் கட்டிடக் கலைஞர்கள் கழகம் மற்றும் சிங்கப்பூர் திட்டமிடல் வல்லுநர்கள் கழகம் ஆகியவை இந்தத் திட்டமிடலில் ஆணையத்துடன் இணைந்து செயலாற்றுகின்றன.

கட்டிடக் கலைஞர்கள் சங்கம் அதன் உறுப்பினர்களுக்கு புதிய கடற்கரைப் பகுதிக்கான மாஸ்டர்பிளான் மற்றும் நகர்ப்புற வடிவமைப்பு உத்திகளுக்கான முன்மொழிவுகளை சமர்ப்பிக்க நவம்பர் 6 அன்று ஒரு போட்டியைத் தொடங்கியது.