சிங்கப்பூரில் வேண்டுமென்றே காயத்தை ஏற்படுத்தி கொள்ளை அடித்த இருவர் கைது!

சிங்கப்பூரில் நடந்த வெவ்வேறு இரு சம்பவங்களில் இரண்டு பேர் கைது செய்யப்பட்டுள்ளனர்.அவர்கள் வேண்டுமென்றே காயத்தை ஏற்படுத்திக் கொள்ளை அடித்ததன் சந்தேகத்தின் அடிப்படையில் கைது செய்யப்பட்டனர்.

கைதான இருவருடைய வயது 27,57 என காவல்துறை கூறியது.

35 வயதுடைய பெண்ணைத் தாக்கி 260 வெள்ளிப் பணத்தை பறித்துக்கொண்டு நபர் ஒருவர் ஓடினார். இந்த சம்பவம் பூன் லே டிரைவ் பகுதியில் ஏப்ரல் 16-ஆம் தேதி இரவு 10.45 மணியளவில் நடந்தது.

இது குறித்து விசாரணை நடத்தப்பட்டது.அதைத்தொடர்ந்து CCTV கேமரா மூலம் ஆய்வு மேற்கொள்ளப்பட்டது.அதில் 27 வயதுடைய நபரை அடையாளம் காணப்பட்டது.

அவரைக் காவல்துறை கைது செய்தது. அவரிடமிருந்து பெண்ணிடம் கொள்ளையடித்த பணம் பறிமுதல் செய்யப்பட்டது.

மற்றொரு சம்பவம்,69 வயதுடைய ஆண் அடையாளம் தெரியாத நபரால் தாக்கப்பட்டார். அவரிடமிருந்த கைத்தொலைப்பேசியையும்,பணப்பையையும் திருடித் தப்ப முயன்றார்.பாதிக்கப்பட்டவரும் பொதுமக்களும் இணைந்து பிடித்தனர்.

அதன்பின் காவல்துறையிடம் அவரை ஒப்படைத்தனர்.

இன்று சிங்கப்பூரில் இருவர் மீதும் நீதிமன்றத்தில் குற்றம்சாட்டப்பட உள்ளது.

அவர்கள் இருவருடைய குற்றம் நிரூபிக்கப்பட்டால் 5 முதல் 20 ஆண்டுகள் வரை சிறைத்தண்டனை விதிக்கப்படலாம். அல்லது குறைந்தது 12 பிரம்படிகளும் விதிக்கப்படலாம்.