சாங்கி விமான நிலையத்தில் திருடிய இரண்டு வெளிநாட்டவர் மீது குற்றச்சாட்டு…!!!

சாங்கி விமான நிலையத்தில் திருடிய இரண்டு வெளிநாட்டவர் மீது குற்றச்சாட்டு...!!!

சிங்கப்பூர்:சாங்கி விமான நிலையத்தில் கடையில் திருடிய இரு வெளிநாட்டு பயணிகள் கைது செய்யப்பட்டுள்ளனர்.

விமான நிலைய கன்கோர்ஸ் பகுதியில் 162 வெள்ளி மதிப்புள்ள வாசனை திரவியங்கள் திருடப்பட்டதாக போலீஸாருக்கு தகவல் கிடைத்தது.

இந்தச் சம்பவமானது நவம்பர் 25ஆம் தேதி நடந்தது.

விசாரணையில் கிடைத்த தகவல்கள் மற்றும் கண்காணிப்பு காட்சிகளின் அடிப்படையில் சந்தேக நபர்களின் அடையாளத்தை அதிகாரிகள் உறுதி செய்தனர்.

விமானம் புறப்படுவதற்கு 45 நிமிடங்களுக்கு முன்பு இருவரையும் அதிகாரிகள் கைது செய்தனர்.

விசாரணையில்,ஒரே நாளில் 2,500 வெள்ளி மதிப்புள்ள 9 வாசனை திரவியங்களை திருடியது தெரியவந்தது.

22 வயதுடைய இருவரும் நாளை நீதிமன்றத்தில் குற்றஞ்சாட்டப்படவுள்ளனர்.

சிங்கப்பூரில் கடை திருட்டுச் சம்பவங்கள் கடுமையானதாக கருதப்படுகிறது.

குற்றம் நிரூபிக்கப்பட்டால் 7 ஆண்டுகள் வரை சிறை தண்டனை மற்றும் அபராதம் விதிக்கப்படலாம்.