துவாஸ் சுங்க சாவடிகளில் பயணிகளின் எண்ணிக்கைகளுக்கு ஏற்ப அதிகாரிகள் பணி அமர்த்த படுவார்கள் என்று சட்ட உள்துறை அமைச்சர் க. சண்முகம் கூறியுள்ளார். போக்குவரத்து நெரிசலை சமாளிக்க குடிநுழைவு சோதனைச் சாவடி நிலையம் பல்வேறு நடவடிக்கைகளை எடுத்து வருவதாகவும் குறிப்பிட்டார்.
கார்களின் எண்ணிக்கை அதிகரித்தால் லாரிகளின் பாதையை கார்களுக்காக திறந்து விடுவதும், அந்த நடவடிக்கைகளில் ஒன்று. மோட்டார் சைக்கிள் உரிமையாளர்களுக்கு 2017-ஆம் ஆண்டிலிருந்து முற்றிலும் தானியக்க நுழைவு தளங்கள் அமர்த்தியுள்ளனர். கார்களுக்கும் இதனை கொண்டு வர முயற்சி செய்யவதாக அவர் குறிப்பிட்டார்.
போக்குவரத்தைச் சீராக வைத்து இருக்க ஆணையம் தொடர்ந்து செயல் படுவதாகவும் அவர் கூறினார். பேருந்து சேவைகளை அதிகரிப்பது, போக்குவரத்து காவல் துறையின் உதவியை நாடுவதும் அதில் அடங்கும் என்று குறிப்பிட்டார். போடீன்ஸ் குடிநுழைவு சோதனை சாவடிகளில் 302 முகப்புகளும், துவாஸ் குடிநுழைவு சோதனை சாவடியில் 776 முகப்புகளும் உள்ளன.
கூடுதல் முகப்புகளை அமைப்பதில் உள்கட்டமைப்பு சிக்கல்களும், பல்வேறு கட்டுப்பாடுகள் இருப்பதாகவும் அமைச்சர் சண்முகம் சுட்டிக் காட்டினார்.