ஏர்போர்ட்டில் விமானத்தின் பிரேக்கை போட மறந்ததால் பின்னோக்கி சென்ற சம்பவம்!!
டெல்லி விமான நிலையத்தில் சிங்கப்பூர் ஏர்லைன்ஸ் விமானம் ஒன்று சரியாக நிறுத்த தவறியதால் பின்னோக்கி சென்றது. இது குறித்து Times Of India நாளேடு வெளியிட்டுள்ளது.
விமானத்தின் பிரேக்கை விமானிகள் போட மறந்ததால் இந்த சம்பவம் நிகழ்ந்ததாக கூறப்படுகிறது.
இந்த விமானம் நவம்பர் 25 ஆம் தேதி சிங்கப்பூரில் இருந்து புதுடெல்லிக்கு வந்தது.
SQ406 விமானம் இரவு சுமார் 8 மணியளவில் டெல்லியின் இந்திரா காந்தி அனைத்துலக விமான நிலையத்தில் தரையிறங்கியது.
விமானம் தரையிறங்கி நிறுத்தப்பட்டவுடன் பின்னோக்கி சென்றது.
உடனடியாக விமானிகள் விமானத்தின் பிரேக்கை போட்டதாக SIA கூறியது.
விமான பணியாளர் ஒருவருக்கு மட்டுமே லேசான காயம் ஏற்பட்டதாக கூறியது.
விமானத்தில் பயணித்த பயணிகள் காயங்கள் ஏதுமின்றி பாதுகாப்பாக வெளியேற்றப்பட்டனர் என்றும் தெரிவிக்கப்பட்டது.
Follow us on : click here 