2025 ஆம் ஆண்டில் சிறந்த தனி பயண சுற்றுலா தளங்களில் 5வது இடத்தைப் பிடித்த தாய்லாந்து...!!!
சுற்றுலா என்றாலே யாருக்குத்தான் பிடிக்காது..
இயற்கை விரும்பிகள் சிலர் தாங்கள் சம்பாதிக்கும் பணத்தில் ஒரு பகுதியை சுற்றுலாவிற்காகச் செலவிடுவார்கள். பெரும்பாலும் ஆண்கள் தங்கள் நண்பர்களுடன் சுற்றுலா செல்ல விரும்புவர்.சிலர் குடும்பத்துடன் சுற்றுலா செல்வதற்கு விரும்புவார்கள்.அதிலும் சிலர் வித்தியாசமாக தனியாக சுற்றுலா செல்ல விரும்புபவர்.
சுற்றுலா செல்பவர்களின் அனுபவத்தை வார்த்தைகளால் விவரிக்க முடியாது.அது நம்மை மற்றொரு உலகத்திற்கு கொண்டு சென்றது போன்ற உணர்வைத் தரும்.
அப்படி சமீபத்தில் எடுக்கப்பட்ட புதிய கணக்கெடுப்பில் பெரும்பாலான தனி பயணிகள் தனித்துவமான அனுபவங்களைத் தேடுவதாகவும், வெவ்வேறு கலாச்சாரங்களை அனுபவிக்க விரும்புவதாகவும் கூறப்படுகிறது.
தனியார் சொகுசு பயண சேவையான கென்சிங்டன் டூர்ஸின் சமீபத்திய அறிக்கையின்படி, 2025 ஆம் ஆண்டிற்கான சிறந்த தனி பயண இடங்களில் தாய்லாந்து ஐந்தாவது இடத்தைப் பிடித்துள்ளது.
கனடாவை தளமாகக் கொண்ட இந்த நிறுவனம், “affluent” பயணிகளின் தரவு மற்றும் 2024 ஆம் ஆண்டில் ஓபினியம் ரிசர்ச் மற்றும் டிக் இன்சைட் ஆகியவற்றுடன் நடத்தப்பட்ட வெளிப்புற ஆய்வுகள் ஆகியவற்றின் அடிப்படையில் அதன் கண்டுபிடிப்புகள், தனி பயணத்தின் வளர்ந்து வரும் ஈர்ப்பை எடுத்துக்காட்டுகின்றன என்று கூறியது.
2025 ஆம் ஆண்டிற்கான சிறந்த 10 தனி பயண இடங்கள்:
1. இந்தியா
2. இத்தாலி
3. ஜப்பான்
4. எகிப்து
5. தாய்லாந்து
6. ஆஸ்திரேலியா
7. ஸ்பெயின்
8. ஐஸ்லாந்து
9. பிரான்ஸ்
10.நியூசிலாந்து
இவற்றில் இந்தியா மற்றும் தாய்லாந்து போன்ற இடங்கள் அவற்றின் வளமான வரலாறு மற்றும் கலாச்சார சலுகைகளுக்காக விரும்பப்படுகின்றன.
தாய்லாந்தில் அமைந்துள்ள பூகேட் தீவு சுற்றுலா பயணிகளுக்கு மறக்க முடியாத அனுபவத்தை தரும். அங்கு எண்ணற்ற நீர் விளையாட்டுகள் உள்ளன. அழகான கடற்கரைகள் பூகேட் தீவில் அமைந்துள்ளன. இங்கு புதுப்பிக்கப்பட்ட கோடா மற்றும் கரோன் கடற்கரைகள் அதன் ரம்யமான அழகால் சுற்றுலாப் பயணிகளை கவர்கின்றன. இந்த தீவில் சுமார் 90 மைல் தூரத்திற்கு கடற்கரைகள் உள்ளன.
அதே நேரத்தில், ஆஸ்திரேலியா, நியூசிலாந்து மற்றும் ஐஸ்லாந்து போன்ற நாடுகள் “தனித்துவமான, தனிமைப்படுத்தப்பட்ட அனுபவங்களை” தேடும் பயணிகளை ஈர்க்கின்றன என்று கென்சிங்டன் டூர்ஸின் சந்தைப்படுத்தல் மூத்த துணைத் தலைவர் மாட் கம்மார்ட் கூறினார்.
மேலும், தனிப் பயணிகள் அதிகளவில் ஆழமான கலாச்சார முக்கியத்துவம் மற்றும் தனித்துவமான நிலப்பரப்புகளைக் கொண்ட இடங்களைத் தேர்ந்தெடுத்து அவர்களின் சுதந்திரத்தை தனிப்பயனாக்கப்பட்ட சேவையுடன் சமநிலைப்படுத்துகிறார்கள் என்று அவர் குறிப்பிட்டார்.
கணக்கெடுப்பில் பதிலளித்தவர்களில் 76% பேர் அடுத்த மூன்று ஆண்டுகளில் சர்வதேச அளவில் தனியாக பயணம் செய்யத் தயாராக உள்ளனர் என்றும், இது தொற்றுநோய் முடிவுக்கு வந்ததிலிருந்து தனி பயணத்தில் அதிகரித்து வரும் போக்கைக் குறிக்கிறது.
கொரோனா பெருந்தொற்று காலத்தில் மக்கள் எங்கும் செல்ல முடியாமல் தவித்துப் போயினர். தற்போது இயல்பு வாழ்க்கை திரும்பிய பிறகு மீண்டும் அதிகமாக சுற்றுலா செல்ல தொடங்கி விட்டனர்.
Follow us on : click here