உணவு நிலையத்தில் திடீரென்று உடைந்த கண்ணாடி கதவு!

சிங்கப்பூரில் நேற்று மதியம் 2.20 மணியளவில் NEX கடைபகுதியில் இருக்கும் Food Republic உணவு நிலையத்தில் இருக்கும் கண்ணாடிக் கதவுகள் திடீரென்று உடைந்து சிதறியது.இந்த சம்பவத்தால் யாரும் காயப் பட வில்லை என்று 8World வெளியிட்டது.

BreadTalk குழுமத்திற்கு கீழ் இந்த உணவு நிலையம் செயல்பட்டு வருகிறது.

இந்த நிலையத்தின் கண்ணாடி கதவுகள் பழுது அடைந்திருப்பது முன்கூட்டியே தெரிந்ததால் கதவைச் சுற்றி தடுப்புகள் அமைக்கப்பட்டது.

வாடிக்கையாளர்களிடம் வேறு வழியைப் பயன்படுத்தும் படி கேட்டுக் கொள்ளப்பட்டது. இது எப்படி உடைந்தது என்று தெரியவில்லை.

உடைந்த கண்ணாடி துண்டுகளை ஊழியர்கள் உடனடியாக அகற்றினர். இவ்வாறு BreadTalk குழுமம் கூறியது.

அதனைச் சரி செய்ய கடைப்பகுதியின் நிர்வாகத்துடன் பணியாற்றி வருவதாகவும் கூறியது.