சின்னத்திரையில் தன் வாழ்க்கை பயணத்தை தொடங்கி, பெரிய திரையில் சிறிய கதாபாத்திரத்தில் நடித்து இன்று முன்னணி நட்சத்திரங்களில் ஒருவராக வலம் வருபவர் நடிகர் சிவகார்த்திகேயன். திருச்சியில் உள்ள சாதாரண குடும்பத்தில் பிறந்த இவர், தன்னுடைய மிமிக்ரி மற்றும் நடிப்பு திறமையின் காரணமாக இன்று பல வெற்றி படங்களை கொடுத்துள்ளார்.
இவர் நடித்த படங்கள் பலவும் சூப்பர் ஹிட் அடித்து, முன்னணி ஹீரோகளுக்கு இன்று போட்டியாக நிற்கின்றார் என்றால் அது மிகை ஆகாது. சிவகார்த்திகேயன் நடித்த டாக்டர், டான், பிரின்ஸ் போன்ற படங்களை அடுத்து, அவர் நடிப்பில் அடுத்து வெளியாக உள்ள படம் மாவீரன்.
அவர் நடித்த டாக்டர், டான் போன்ற படங்கள் நன்கு வசூலை குவித்த நிலையில் இதற்கு முன் அவர் நடித்த பிரின்ஸ் படம் எதிர்பார்த்த அளவு வசூலை பெறவில்லை. இதை சிவகார்த்திகேயனே ஒரு மேடை நிகழ்ச்சியில் தெரிவித்து இருந்தார். எனவே பிரின்ஸ் பணத்திற்கு 30 கோடி சம்பளம் வாங்கிய சிவகார்த்திகேயன் அந்த படம் ஓடாததை அடுத்து மாவீரன் படத்திற்கு 5 கோடி ரூபாய் சம்பளத்தை குறைத்துக் கொண்டு 25 கோடி மட்டுமே சம்பளமாக பெற்றுள்ளார் என்று தகவல்கள் வெளியாகி உள்ளது.
மடோன் அஸ்வின் இயக்கத்தில் வெளியாக உள்ள இந்த படத்தில் இயக்குனர் சங்கரின் மகள் அதிதி சங்கர் நடித்துள்ளார் என்பது குறிப்பிடத்தக்கது. இந்த படமானது வருகின்ற ஜூலை 14ஆம் தேதி ரிலீசுக்கு தயாராக உள்ள நிலையில் சிவகார்த்திகேயனின் சம்பளம் பற்றிய இந்த தகவல்கள் தற்போது கசிந்துள்ளது.