சிங்கப்பூரின் பொருளாதாரம் நான்காவது காலாண்டில் வளர்ச்சி!!
சிங்கப்பூர்:சிங்கப்பூரின் பொருளாதாரம் 2024 ஆம் ஆண்டின் நான்காவது காலாண்டில் 4.3 சதவிகிதம் வளர்ச்சியடைந்துள்ளதாக வர்த்தக மற்றும் தொழில்துறை அமைச்சகம் வியாழக்கிழமை (ஜனவரி 2) தெரிவித்துள்ளது.
ப்ளூம்பெர்க் கணக்கெடுப்பில் பொருளாதார வல்லுநர்கள் கணித்ததை விட, நான்காம் காலாண்டு வளர்ச்சி ஆண்டு அடிப்படையில் 3.8 சதவீதமாக இருக்கும் என்று அதன் ஆரம்ப மதிப்பீட்டில் கூறியது.
அந்த வளர்ச்சிக்கு சேவைத் துறையும் கட்டுமானத் துறையும் பங்களித்தன.
இந்த வளர்ச்சி மதிப்பீடானது முந்தைய காலாண்டின் 5.4 சதவீதத்தை விட குறைவாக உள்ளது.
இதற்கிடையில், காலாண்டு பருவகால சரிப்படுத்தப்பட்ட வளர்ச்சியானது 0.1 சதவீதமாக உள்ளது.
2024ஆம் ஆண்டுக்கான பொருளாதார வளர்ச்சி 4 சதவீதமாக இருக்கும் என அமைச்சகம் தெரிவித்துள்ளது.
டிசம்பர் 31 அன்று தனது புத்தாண்டு உரையில் பிரதமர் லாரன்ஸ் வோங் குறிப்பிட்டதை இது பிரதிபலிக்கிறது.
இது 2023 இல் பதிவான 1.1 சதவீத வளர்ச்சியை விட விரைவான வளர்ச்சியாகும்.
2025ஆம் ஆண்டுக்குள் வளர்ச்சி விகிதம் 1 சதவீதம் முதல் 3 சதவீதம் வரை இருக்கும் என்று கணிக்கப்பட்டுள்ளது.
அதற்கான சில காரணிகளையும் அமைச்சகம் சுட்டிக்காட்டியுள்ளது.
அமெரிக்க ஜனாதிபதி டொனால்ட் ட்ரம்பின் பொருளாதாரக் கொள்கைகள் மீதான விரிவடைந்து வரும் புவிசார் அரசியல் மோதல் மற்றும் நிச்சயமற்ற தன்மை ஆகியவை அவற்றில் குறிப்பிடத்தக்கவை.
2024 ஆம் ஆண்டின் நான்காவது காலாண்டில், மொத்த மற்றும் சில்லறை வர்த்தகத் துறை மற்றும் போக்குவரத்து மற்றும் கிடங்குத் துறை ஆகியவை ஆண்டுக்கு ஆண்டு அடிப்படையில் 5.6 சதவீத வளர்ச்சியைப் பதிவு செய்துள்ளன.
இது மூன்றாம் காலாண்டில் காணப்பட்ட 5.2 சதவீத வளர்ச்சியை காட்டிலும் அதிகமாகும்.
இயந்திரங்கள் மற்றும் உபகரணங்களின் சிறப்பான விற்பனையானது ஒட்டுமொத்த வர்த்தகத் துறையின் ஏற்றத்திற்கு முக்கிய காரணம் என்றும் அமைச்சகம் குறிப்பிட்டது.
இதேபோல், கட்டுமானத் துறை மூன்றாம் காலாண்டில் பதிவான 4.7 சதவீத வளர்ச்சியை முறியடித்துள்ளது.
ஆண்டுக்கு ஆண்டு அடிப்படையில், நான்காவது காலாண்டில் இத்துறை 5.9 சதவீதம் வளர்ச்சியடைந்துள்ளதாக அமைச்சகம் தனது அறிக்கையில் தெரிவித்துள்ளது.
Follow us on : click here 