மலேசியாவில் 19 ஆண்டுகளாக பதுங்கி இருந்த சிங்கப்பூர் தொழிலதிபர் கைது…!!!

சிங்கப்பூர்: மலேசியாவில் 19 வருடங்களாக தலைமறைவாக இருந்த சிங்கப்பூர் தொழிலதிபர் மற்றும் அவரது மனைவி, 51 மில்லியன் அமெரிக்க டாலர்களுக்கு (S$72 மில்லியன்) அதிகமாக மோசடி செய்ததாக டிசம்பர் 3 ஆம் தேதி கைது செய்யப்பட்டனர்.

மோசடி செய்த குற்றத்திற்காக இருவரும் இன்று( டிசம்பர் 4) நீதிமன்றத்தில் குற்றஞ்சாட்டப்படுவார்கள்.

கைதான 58 வயதான இங் டெக் லீ என்பவர்’சிட்டிராய இண்டஸ்ட்ரீஸ்’ என்ற மறுசுழற்சி நிறுவனத்தின் தலைமை நிர்வாக அதிகாரியாகவும், தலைவராகவும் இருந்தார்.

மறுசுழற்சி தவிர, மின் கழிவுகளிலிருந்து விலைமதிப்பற்ற உலோகங்களை மீட்டெடுப்பதிலும் நிறுவனம் ஈடுபட்டது.

இந்த நிறுவனத்தின் வாடிக்கையாளர்களாக ‘AMD’, ‘Intel’ மற்றும் ‘Infineon’ போன்றவை இருந்தன.