சிங்கப்பூர் : மோட்டார் சைக்கிள் கார் விபத்து!! ஆன்லைனில் பரபரப்பை ஏற்படுத்திய வீடியோ!!

உட்லண்ஸ் அவென்யூ 12 இல் மோட்டார் சைக்கிள் கார் மீது மோதி விபத்துக்குள்ளானது.

இந்த விபத்து நவம்பர் 22 ஆம் தேதி நடந்தது

இச்சம்பவம் குறித்து சிங்கப்பூர் குடிமை தற்காப்பு படைக்கு நவம்பர் 22 ஆம் தேதி காலை சுமார் 8.45 மணியளவில் அழைப்பு வந்ததாக தெரிவித்தது.

விபத்தின் வீடியோ SG Road Vigilante – SGRV முகநூல் பக்கத்தில் பதிவேற்றம் செய்யப்பட்டுள்ளது.

முன்னால் சென்ற வண்டிகளை கவனிக்காமல் பைக் ஓட்டி வந்தவர் வெள்ளை நிறக் கார் மீது மோதியதை அந்த வீடியோவில் காணலாம்.

இதனால் பைக் ஓட்டி வந்தவர் கீழே விழுந்ததையும்,அவர் எழுந்து நிற்பதையும் அந்த வீடியோவில் காண முடியும்.

விபத்தின் வீடியோ ஆன்லைனில் வேகமாக பரவி வருகிறது.

இந்த விபத்தில் ஒருவருக்கு லேசான காயம் ஏற்பட்டிருந்தது.ஆனால் அவர் மருத்துவமனைக்கு செல்ல மறுத்துவிட்டதாக சிங்கப்பூர் குடிமை தற்காப்பு படை கூறியது.

இச்சம்பவத்தின் தகவல்களை 8 World செய்தித்தளம் தெரிவித்துள்ளது.