சிங்கப்பூர் : வீட்டில் இருந்த துணி துவைக்கும் மெஷினில் தீ!!
அங் மோ கியோ பகுதியில் அவென்யூ 21 இல் பிளாக் 260B இன் 20-வது மாடியில் ஓர் வீட்டில் தீ விபத்து ஏற்பட்டது.வீட்டில் இருந்த துணி துவைக்கும் இயந்திரம் தீப்பிடித்து எரிந்தது.
சிங்கப்பூர் குடிமைத் தற்காப்பு படைக்கு இச்சம்பவம் குறித்து நவம்பர் 10-ஆம் தேதி(நேற்று) மதியம் சுமார் 3.25 மணியளவில் அழைப்பு வந்ததாக தெரிவித்தது.
சம்பவ இடத்திற்கு சிங்கப்பூர் குடிமைத் தற்காப்பு படை விரைந்தனர். ஆனால் அவர்கள் வருவதற்கு முன்னதாகவே அங்கு வசிக்கும் குடியிருப்பாளர்கள் தீயணைப்பு கருவி மற்றும் தண்ணீர் கொண்டு தீயை அணைத்தனர்.
இந்த தீச்சம்பவத்தால் எவருக்கும் காயம் ஏற்படவில்லை என்று 8 World செய்தித்தளம் தெரிவித்துள்ளது.
Follow us on : click here 