பிகில் படத்தின் வெற்றிக்கு பிறகு நடிகர் ஷாருக்கானை வைத்து இயக்குனர் அட்லி ‘ஜவான்’ என்ற படத்தினை இயக்கி வருகின்றார். இதில் நயன்தாரா, விஜய் சேதுபதி, யோகி பாபு போன்ற நடிகர்கள் நடித்துள்ளனர். மேலும் நடிகர் சஞ்சய் தத் மற்றும் நடிகை தீபிகா படுகோன் ஆகியோர் சிறப்பு தோற்றத்தில் நடித்துள்ளனர்.
தமிழ், தெலுங்கு மற்றும் இந்தியில் உருவாகும் இப்படத்திற்கு அனிருத் இசை அமைத்துள்ளார். செப்டம்பர் 7ஆம் தேதி படம் திரைக்கு வரும் என்று ரசிகர்கள் அனைவரும் எதிர்பார்த்து காத்திருக்கின்றனர். இந்நிலையில் இப்படத்தில் நடித்த ஷாருக்கான், தற்பொழுது அளித்துள்ள பதில் வைரலாகி வருகின்றது.
ஷாருக்கான் தனது ட்விட்டர் பக்கத்தில் அவ்வப்பொழுது #askSRK என்ற ஹேஸ் டாகினை பதிவிட்டு ரசிகர்களின் கேள்விக்கு பதில் அளிப்பதுண்டு. அந்த வகையில் நேற்று ட்விட்டரில் ரசிகர்கள் கேட்ட கேள்விக்கு பதில் அளித்தார். அதில் ஒருவர் நயன்தாரா மற்றும் விஜய் சேதுபதியுடன் பணியாற்றிய அனுபவம் எப்படி இருந்தது என்று கேள்வி கேட்டிருந்தார்.
அதற்கு அவர், நயன்தாரா மிகவும் இனிமையானவர் எனவும் அவரிடம் அளவுக்கு அதிகமாக அன்பும்,மரியாதையும் உள்ளது எனவும் தெரிவித்துள்ளார். மேலும் விஜய் சேதுபதி திறமையான நடிகர் என்றும் உண்மையில் அவரிடமிருந்து கற்றுக் கொள்ள நிறைய இருக்கிறது என்றும் பதிலளித்துள்ளார்.
இயக்குனரைப் பற்றி கேட்டதுக்கு அட்லி மிகவும் இயல்பான மற்றும் கூலான மனிதர். அவரின் முதல் நோக்கம் கடின உழைப்பின் மூலம் படத்தை சிறப்பாக காட்சிப்படுத்த வேண்டும் என்பதே என்று தனது இயக்குனர் பற்றி பெருமையாக கூறினார். இந்நிலையில் இவர் கூறிய பதிலை ரசிகர்கள் ட்ரெண்ட் செய்து வருகின்றனர்.