போட்டோ சூட் மூலம் மகிழ்ச்சியான செய்தியை அறிவித்த ரியாஸ்..!! குவியும் வாழ்த்து..!!!

தமிழ் சினிமாவில் ஒரு சில நடிகர்கள் மற்றும் அவர்களது குடும்பத்தினர் தொடர்ந்து படங்களில் நடித்து ரசிகர்கள் மத்தியில் பிரபலமாக உள்ளனர். அந்த வரிசையில் நடிகர் ரியாஸ்கானும் ஒருவர். வின்னர் படத்தில் கட்டத்துரை என்ற கதாபாத்திரத்தில் நடித்ததன் மூலம் அவர் மிகவும் பிரபலமானார்.ரியாஸ் கானைப் போலவே அவரது மனைவி உமா ரியாஸ் கானும் சினிமா மற்றும் சீரியல்களில் நடித்து கலக்கியவர்.

இவர்களுக்கு இரண்டு மகன்கள் உள்ளனர்.மூத்த மகன் ஷாரிக் ஏற்கனவே சில படங்களில் நடித்துள்ளார்.பிக்பாஸ் தமிழ் சீசன் 2ல் பிக்பாஸ் அல்டிமேட் போட்டியாளராகவும் பங்கேற்றார். அதன் பிறகு தொடர்ந்து படங்களில் நடிக்கும் வாய்ப்பு கிடைத்தது. இந்நிலையில், ஷாரிக் தனது காதலியான மரியா ஜெனிபரை கடந்த ஆண்டு ஆகஸ்ட் மாதம் திருமணம் செய்து கொண்டார்.

இந்நிலையில் ஷாரிக் தனது ரசிகர்களிடம் தான் தந்தையாகும் மகிழ்ச்சியான செய்தியை பகிர்ந்துள்ளார். அவருக்கு ரசிகர்கள் பலரும் தங்களது வாழ்த்துக்களை தெரிவித்து வருகின்றனர்.ஷாரிக்கின் இந்த பதிவு இணையத்தில் அதிகமான கருத்துக்களை பெற்று வருகிறது.

மரியாவுக்கு ஏற்கனவே திருமணமாகி ஒரு குழந்தை உள்ளது. முதல் கணவரை விவாகரத்து செய்துவிட்டு, தனியாக வசித்து வந்த மரியாவை, குடும்பத்தினரின் சம்மதத்துடன் ஷாரிக் திருமணம் செய்து கொண்டார். அப்போது இந்த விஷயம் பெரும் பேசுபொருளாக இருந்தது. வயது வித்தியாசம் இருந்தாலும் இருவரும் திருமணமாகி மகிழ்ச்சியாக வாழ்ந்து வருகின்றனர்.

இந்நிலையில் கடந்த வாரம் கூட விஜய் டிவியின் கம்பெனி நிகழ்ச்சியில் குடும்பமாக கலந்து கொண்டனர். இந்த நிகழ்ச்சிக்கு நல்ல வரவேற்பு கிடைத்தது. அதே நேரத்தில், இப்போது ஷாரிக் தனது இன்ஸ்டாகிராம் பக்கத்தில் தனது மனைவி கர்ப்பமாக இருப்பதாக ஒரு மகிழ்ச்சியான பதிவை வெளியிட்டுள்ளார்.

இதற்காக பிரத்தியேக போட்டோ ஷூட் ஒன்றை நடத்தி இருக்கிறார்.கையில் பிரக்னன்சி கிட் மற்றும் ஸ்கேன் ரிப்போர்ட் வைத்து விதவிதமான போட்டோ சூட்களை எடுத்திருக்கின்றனர்.அதில் ஷாரிக் தனது மனைவிக்கு முத்த மழை பொழிந்து தனது அன்பை பரிமாறி இருக்கிறார்.

இந்த வீடியோவுக்கு சின்னத்திரை மற்றும் வெள்ளித்திரை பிரபலங்கள் பலரும் வாழ்த்து தெரிவித்து வருகின்றனர்.அதேபோல் மனைவி மரியா தற்போது ஐந்து மாத கர்ப்பிணியாக உள்ளார்.இத்தனை நாட்களாக மறைத்து வைக்கப்பட்டிருந்த இந்த ரகசியம் தற்போது பேபி பம்ப் உடன் ரசிகர்களிடம் பகிரப்பட்டுள்ளது. இவர்களுக்கு ரசிகர்கள் பலரும் வாழ்த்து தெரிவித்து வருகின்றனர்.

Instagram : https://www.instagram.com/sg_tamilan_official?igsh=eG16Z3B6NW93bmw0

Facebook : https://www.facebook.com/profile.php?id=100089382270449&mibextid=ZbWKwL

Telegram : https://t.me/tamilan