பொன்னமராவதியில் 10அம்ச கோரிக்கைகளை வலியுறுத்தி வருவாய்த்துறை அலுவலர்கள் காத்திருப்பு போராட்டம்!!

புதுக்கோட்டை மாவட்டம் பொன்னமராவதியில் தமிழ்நாடு வருவாய்த்துறை அலுவலர் சங்கம் நடத்தும் பத்து அம்ச கோரிக்கைகளை வலியுறுத்தி வட்டக்கிளைத்தலைவர் பொப்பனாமலை தலைமையில் அனைத்து பணிகளையும் புறக்கணித்து அலுவலக நுழைவு வாயிலில் தொடர் காத்திருப்பு போராட்டம் நடத்தினர்.பொன்னமராவதி வட்டாட்சியர் அலுவலக வளாகத்தில் நடைபெற்ற தொடர் காத்திருப்பு போராட்டத்திற்கு பொன்னமராவதி வட்டக்கிளைத்தலைவர் பொப்பனாமலை தலைமை வகித்தார்.மாவட்ட இணைச்செயலாளர் துரை முன்னிலை வகித்தார்.வட்டச்செயலாளர் ஜோதி,வட்ட துணைச்செயலாளர் பாண்டி,வட்ட பொருளாளர் சண்முகம் ஆகியோர் பத்து அம்ச கோரிக்கைகளை நிறைவேற்றிடக்கோரி விளக்கி பேசினார்கள்.