அமெரிக்காவிற்கு அதிகாரத்துவ பயணத்தை மேற்கொண்டார் அதிபர் தர்மன் சண்முக ரத்தினம்...!!
சிங்கப்பூர்:சிங்கப்பூர் ஜனாதிபதி தர்மன் சண்முகரத்தினம் இன்று(அக்டோபர் 22) வெள்ளிக்கிழமை (அக்டோபர் 25) வரை வாஷிங்டன் டி.சி.க்கு அதிகாரத்துவ பயணத்தை மேற்கொள்கிறார்.
சிங்கப்பூரில் அவர் இல்லாத சமயத்தில் அதிபரின் ஆலோசனைக் குழுவின் தலைவர் எடி தியோ, அதிபரின் பொறுப்புகளை கவனிப்பார்.
அமெரிக்க தலைநகரில் வேலை வாய்ப்புகள் குறித்த உயர்மட்ட ஆலோசனைக் குழுவின் முதல் கூட்டத்திற்கு ஜனாதிபதி தர்மன் தலைமை தாங்குவார்.
இந்த மன்றம் உலக வங்கி குழுமத்தின் கீழ் செயல்படுகிறது.
குழுவின் தலைவருடனான கலந்துரையாடல்களில் அதிபர் தர்மனும் பங்கேற்பார்.
தண்ணீருக்காக உலக நாடுகள் எதிர்கொள்ளும் சவால்கள் குறித்த உயர்மட்ட நிகழ்ச்சியிலும் அவர் பங்கேற்கவுள்ளார்.
சர்வதேச நிறுவனங்கள், வணிகங்கள், ஆராய்ச்சி நிறுவனங்களைச் சேர்ந்த மூத்த தலைவர்களை திரு.தர்மன் சந்தித்து பேச உள்ளார் என தெரிவிக்கப்பட்டுள்ளது.
Follow us on : click here 
Instagram : https://www.instagram.com/sg_tamilan_official/profilecard/?igsh=eG16Z3B6NW93bmw0