ஒலிம்பிக் விளையாட்டு வீரர்களை பாராட்டிய அதிபர் தர்மன் சண்முகரத்தினம்…!!!

ஒலிம்பிக் விளையாட்டு வீரர்களை பாராட்டிய அதிபர் தர்மன் சண்முகரத்தினம்...!!!

சிங்கப்பூர்: சிங்கப்பூர் விளையாட்டு வீரர்கள் ஒலிம்பிக் போட்டியில் நிகழ்த்திய சாதனைகளை ஜனாதிபதி தர்மன் சண்முகரத்தினம் பாராட்டினார்.

மேலும் விளையாட்டு வீரர்களின் சாதனையால் சிங்கப்பூர் புதிய உச்சத்தை தொடும் என்ற நம்பிக்கை பிறந்திருப்பதாக கூறினார்.

இந்த ஆண்டு பாரிஸில் நடைபெற்ற ஒலிம்பிக் மற்றும் பராலிம்பிக் போட்டிகளில் பங்கேற்ற விளையாட்டு வீரர்களை பாராட்டும் நிகழ்ச்சியில் ஜனாதிபதி தர்மன் சண்முக ரத்தினம் உரையாற்றினார்.

கடுமையான சவால்களுக்கு மத்தியிலும் சிங்கப்பூர் விளையாட்டு வீரர்கள் உறுதியுடன் செயல்பட்டதை அவர் பாராட்டினார்.

சிங்கப்பூரின் விளையாட்டுத் துறையை ஊக்குவிக்கும் வகையில் தனியார் நிறுவனங்கள் One team singapore நிதி அல்லது பிற விளையாட்டு நிறுவனங்களுக்கு நன்கொடை அளித்து ஆதரவு வழங்க வேண்டும் என்று அதிபர் தர்மன் கேட்டுக் கொண்டார்.

பாராலிம்பிக் போட்டியில் சிங்கப்பூர் தடகள வீரர்கள் இரண்டு தங்கப் பதக்கங்களையும் ஒரு வெள்ளிப் பதக்கத்தையும் வென்றனர்.

சிங்கப்பூரில் விளையாட்டு வீரர்களை ஊக்குவிக்க பல்வேறு நடவடிக்கைகள் மேற்கொள்ளப்படும் என்றும் தொடர்ந்து விளையாட்டுகளில் கவனம் செலுத்தி திறமையுடன் செயல்பட ஊக்குவிக்கப்பட்டனர்.

Follow us on : click here