பிளாஸ்டிக் சர்ஜரி செய்ய ஆசைப்பட்ட நிவேதா பெத்துராஜ்!! அதுவும் அந்த இடத்திலா!!

பிளாஸ்டிக் சர்ஜரி செய்து கொள்ள விரும்பியதாக நிவேதா பெத்துராஜ் சமீபத்திய பேட்டி ஒன்றில் கூறியிருக்கிறார்.

தமிழ்நாட்டில் பிறந்து நன்றாக தமிழ் பேசும் நடிகைகளுக்கு கோலிவுட்டில் நல்ல பட வாய்ப்புகள் கிடைப்பதில்லை. அதற்கு சரியான உதாரணம் நடிகை நிவேதா பெத்துராஜ்.தமிழ்நாட்டில் தூத்துக்குடி மாவட்டத்திற்கு அருகில் உள்ள கோவில்பட்டியில் பிறந்தவர். இவர் சிறு வயதாக இருக்கும்போதே துபாய் சென்றதால் தனது பள்ளி மற்றும் கல்லூரிகளை அங்கேயே முடித்தார். பின்னர் 2015 மிஸ் இந்தியா யுஏஇ போட்டியில் வென்றார்.அதன் பிறகு இவர் ஒரு நாள் கூத்து படத்தின் மூலம் தமிழில் என்ட்ரி கொடுத்தார். அதன் பிறகு உதயநிதி ஸ்டாலினுடன் எம்மனசு தங்கம், ஜெயம் ரவியுடன் டிக் டிக் டிக், விஜய் ஆண்டனியுடன் திமிரு புடிச்சவன், விஜய் சேதுபதியுடன் சங்கத் தமிழன் ஆகிய படங்களில் நடித்தார். மேலும் இவர் நடிப்பை தாண்டி சிறந்த கார் ரேசராகவும், பேட்மிட்டன் வீராங்கனையாகவும் இருக்கிறார்.

முன்னணி நடிகர்களுடன் அடுத்தடுத்து நடித்தாலும், அவர் நடித்த படங்கள் பெரிதாக வெற்றி பெறவில்லை. இதனால் கோலிவுட்டில் பட வாய்ப்புகள் குறையத் தொடங்கின. ஒரு கட்டத்தில், நிவேதா பெத்துராஜ், எச்சரிக்கையுடன், டோலிவுட்டிற்கு ஒதுங்கிவிட்டார். அங்கு அவர் தொட்டதெல்லாம் ஹிட் ஆனது. அல்லு அர்ஜுனுடன் ஆலவைகுண்டபுரமுலு, ரெட் போன்ற தொடர் வெற்றிகளை கொடுத்த நிவேதா பெத்துராஜ் டோலிவுட்டில் பிரபலமான நடிகையாகிவிட்டார்.