விமானத்தின் சக்கரப் பகுதியில் கண்டுபிடிக்கப்பட்ட ஆண் சடலம்!! சக்கரத்திற்குள் எப்படி நுழைந்தார்?
அமெரிக்காவின் ஹவாயி மாநிலத்தில் உள்ள காஹுலுய் விமான நிலையத்தில் தரையிறங்கிய யுனைடெட் ஏர்லைன்ஸ் விமானத்தில் ஒருவர் உயிரிழந்து காணப்பட்டார்.
சிக்காகோ நகரின் ஓஹேர் விமான
நிலையத்திலிருந்து புறப்பட்ட போயிங் 787-10 ரக விமானத்தில் இந்த சம்பவம் நடந்துள்ளது.
போயிங் 787-10 விமானம் உள்ளூர் நேரப்படி செவ்வாய்கிழமை காலை 9:31 மணிக்கு சிக்காகோவில் இருந்து புறப்பட்டு, உள்ளூர் நேரப்படி பிற்பகல் 2:12 மணிக்கு மௌய் வந்தடைந்தது.
தரையிறங்கிய பிறகு ஆய்வு செய்ததில்,
விமானத்தின் சக்கர பகுதியில் ஒரு ஆண் சடலம் கண்டுபிடிக்கப்பட்டது.
அந்த நபர் சக்கர பகுதிக்குள் எப்படிச் சென்றார் என்பது தெளிவாக தெரியவில்லை என்று யுனைடெட் ஏர்லைன்ஸ் தெரிவித்துள்ளது.
விமானத்தின் வெளிப்புறத்தில் இருந்தால் மட்டுமே சக்கரத்திற்குள் செல்ல முடியும் என்று தெரிவிக்கப்பட்டுள்ளது.
இந்த சம்பவம் குறித்து போலீசார் விசாரணை நடந்து வருகிறது.
விமான நிலையம் தற்போது வழக்க நிலைக்குத் திரும்பியுள்ளது.
Follow us on : click here 