சிங்கப்பூரில் 25 வயது இளைஞரை கத்தியால் குத்திய நபர் கைது…!!!!

சிங்கப்பூர்: ஜாலான் புசாரில் கிறிஸ்துமஸ் பண்டிகைக்கு முன்தினம் 25 வயது இளைஞரை கத்தியால் குத்தியதாக 24 வயது இளைஞரை போலீசார் கைது செய்துள்ளனர்.

இளைஞர் வேண்டுமென்றே கடுமையான காயம் ஏற்படுத்தியதன் விளைவாக கைது செய்யப்பட்டுள்ளார்.

டிசம்பர் 24 ஆம் தேதி அதிகாலை 3:40 மணியளவில் அந்த நபர் இளைஞரை கத்தியால் குத்தியுள்ளார்.

காயமடைந்த நபர் சுயநினைவுடன் மருத்துவமனைக்கு கொண்டுச் செல்லப்பட்டார்.

அவரை கத்தியால் குத்திய நபர் அங்கிருந்து தப்பியோடினார்.

முதற்கட்ட விசாரணையில், இருவரும் ஏற்கனவே அறிமுகமானவர்கள் என்பதும், அவர்களுக்குள் பிரச்சனை இருந்து வந்ததும் தெரியவந்தது.