சிங்கப்பூருக்கு இன்று மலேசிய பிரதமர் வருகை புரிகிறார். இது அவர் முதல் அதிகாரத்துவ வருகை. மலேசியா பிரதமராக பதவியேற்ற பிறகு சிங்கப்பூருக்கு முதல்முறையாக வருகை புரிகிறார்.
இரு நாடுகளுக்கும் இடையே இருக்கும் நீண்ட கால உறவை புலப்படுத்தும் வகையில் இவருடைய வருகை அமைவதாக சிங்கப்பூர் வெளியுறவு அமைச்சகம் கூறியது.
மலேசிய பிரதமர் அன்வாருக்கு சிங்கப்பூர் பிரதமர் அதிகாரத்துவ மதிய விருந்தளிப்பார். மலேசியா பிரதமர் அன்வாருக்கு இன்று இஸ்தானாவில் சடங்குப்பூர்வ வரவேற்பு அளிக்கப்படும்.அதன்பின் சிங்கப்பூர் அதிபர் ஹலிமா யாக்கோபைச் சென்று காண்பார்.
மலேசியா பிரதமர் அன்வார் மற்றும் அவரது துணைவியார் டாக்டர் Wan Azizah ஆகியோரின் பெயர்கள் ஆர்க்கிட் மலர்களுக்குச் சூட்டப்படும். மலேசிய பிரதமர் வருகையின்போது மூன்று உடன்பாடுகள் கையெழுத்திடப்படும் என்று தெரிவித்துள்ளது. மின்னிலக்கப் பொருளியல், பசுமை பொருளியல், இணையப் பாதுகாப்பு முதலிய உடன்பாடுகளுக்கு கையெழுத்திடப்படும்.