என்கிட்ட பணம் இருக்கு...!! நான் என்ன வேணாலும் செய்வேன்...!!
தமிழ் சினிமாவில் முன்னணி நடிகைகளில் ஒருவராக வலம் வருபவர் தான் நடிகை சாய் பல்லவி. மலையாளத் திரைப்படமான பிரேமம் படத்தின் மூலம் பிரபலமானார். பிரேமம் படத்தில் மலர் டீச்சரின் கதாபாத்திரம் ரசிகர்களை வெகுவாக கவர்ந்தது.ஆனால் சாய் பல்லவி பிரேமம் படத்திற்கு முன் கஸ்தூரி மான், தாம் தூம் ஆகிய படங்களில் நடித்துள்ளார். இந்தப் படங்களில் அவரது கதாபாத்திரம் பேசப்படவில்லை.அதன் பிறகு இவர் தமிழில் தியா, மாரி 2 ஆகிய 2 படங்களில் நடித்தார். தனுஷ் நடித்த மாரி 2 திரைப்படம் நல்ல வரவேற்பை பெற்றது. மேலும் ரவுடி பேபி பாடல் இணையத்தில் ட்ரெண்டாகி மில்லியன் கணக்கான பார்வையாளர்களை கடந்து சாதனையையும் படைத்தது.
அதன் பிறகு சில படங்களில் நடித்தாலும் கூட ராஜ்குமார் பெரியசாமி இயக்கத்தில் வெளியான அமரன் படம் இவருக்கு மாபெரும் வெற்றியை தந்தது. சிவகார்த்திகேயனுக்கு ஜோடியாக சாய் பல்லவி நடித்த இந்தப் படம் ரூ.335 கோடி வசூல் செய்து சாதனை படைத்தது. இந்தப் படம் மறைந்த தமிழக வீரரான மேஜர் முகுந்த் வரதராஜனின் வாழ்க்கையை மையமாகக் கொண்டு எடுக்கப்பட்டது.இப்படத்தில் முகுந்த் வரதராஜனின் மனைவி இந்து ரெபேக்கா வர்கீஸ் வேடத்தில் சாய் பல்லவி நடித்துள்ளார்.இப்படத்திற்கு பிறகு தற்போது தெலுங்கில் தண்டெல் படத்திலும், 2 ஹிந்தி படங்களிலும் நடித்து வருகிறார்.
இந்நிலையில் நிகழ்ச்சி ஒன்றில் கலந்து கொண்ட சாய்பல்லவி தனது குடும்ப கதையைப் பற்றி பேசியுள்ளார். அப்போது அவர் நாங்கள் சிறுவயதில் பணக்காரர்கள் என்று நினைத்தோம் ஆனால் மற்றவர்களுக்கு உதவி செய்யும் அளவிற்கு எங்களிடம் பணம் இல்லை. ஆனால் இப்போது மற்றவர்களுக்கு உதவி செய்யும் அளவிற்கு என்னிடம் பணம் இருக்கிறது.
இது எனக்கு கடவுள் கொடுத்த ஆசீர்வாதமாக நினைக்கிறேன் என்று கூறியுள்ளார்.அமரன் படத்திற்காக சாய் பல்லவிக்கு ரூ.3 கோடி சம்பளம் கொடுக்கப்பட்டது. சாய் பல்லவியின் நிகர சொத்து மதிப்பு ரூ.47 கோடி என்று கூறப்படுகிறது.
Follow us on : click here 
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilansg