லக்கி பிளாசா வணிக வளாகத்தில் தீ விபத்து!! மருத்துவமனையில் இருவர் அனுமதி!!

சிங்கப்பூர்:ஆர்ச்சர்ட் சாலையில் உள்ள லக்கி பிளாசா வணிக வளாகத்தில் தீ விபத்து ஏற்பட்டது.

தீ விபத்து ஏற்பட்ட சம்பவத்தில் காயம் காரணமாக இரண்டு பேர் மருத்துவமனையில் அனுமதிக்கப்பட்டுள்ளதாக சிங்கப்பூர் குடிமைத் தற்காப்புப் படை தெரிவித்துள்ளது.

கட்டிடத்தின் 6வது மாடியில் இன்று
(அக்டோபர் 20) காலை 9.45 மணியளவில் இச்சம்பவம் இடம்பெற்றுள்ளது.

கரி அடுப்பில் இருந்த பொருட்களில் தீப்பிடித்ததாக அதிகாரிகள் தெரிவித்தனர்.

சம்பவ இடத்தில் இருந்தவர்கள் தீயை அணைத்தனர்.

சுமார் 20 பேர் தாங்களாகவே அங்கிருந்து வெளியேறியதாக அதிகாரிகள் தெரிவித்தனர்.

தீ விபத்துக்கான காரணம் குறித்து விசாரணை நடைபெற்று வருகிறது.

Follow us on : click here