சிங்கப்பூரில் வரும் செப்டம்பர் மாதத்தில் புதிய மூத்தோர் பராமரிப்பு நிலையம் அறிமுகப்படுத்தப்படலாம் என்று சட்ட, உள்துறை அமைச்சர் கா. சண்முகம் கூறினார்.
நீ சூனில் வீடமைப்பு வளர்ச்சிக் கழகத்தின் கட்டடங்கள் புதுப்பிக்கப்பட்டுள்ளது. அதில் தற்போது 7 புளோக்குகள் புதுப்பொலியுடன் புதுப்பிக்கப்பட உள்ளது. இவற்றுக்கான பணிகள் கூடிய விரைவில் தொடங்கப்படும் என்று அமைச்சர் கூறினார்.
பிப்ரவரி,4-ஆம் தேதி நீ சூனில் கேளிக்கை விழா நடைபெற்றது.அதில்,அடுத்தடுத்து வரப்போகின்ற பல மேம்பாட்டு அம்சங்கள் காட்சிக்கு வைக்கப்பட்டிருந்தது. இந்த விழாவானது மார்ச் மாதம் வரை வெவ்வேறு பகுதிகளில் நடைபெறும். இதில் பொதுமக்கள் கலந்துகொண்டு பயன் பெறலாம்.
Chong Pang வட்டாரத்தில் ஒருங்கிணைக்கப்பட்ட வசதிகளுடன் புதிய கட்டடம் திறக்கப்பட உள்ளது. அந்தப் புதிய கட்டடத்தின் தோற்றமும் காட்சிக்கு வைக்கப்பட்டிருந்தது.அந்த கட்டடத்தில் சமூக மன்றம், உணவங்காடி மற்றும் பொழுதுபோக்கு வசதிகள் ஆகியவை இருக்கும்.
அடுத்த மாதம் பிற்பகுதியில் கட்டுமான பணிகள் தொடங்கும் என்று நீ சூன் குழுத்தொகுதியின் நாடாளுமன்ற உறுப்பினரும் சட்ட, உள்துறை அமைச்சருமான கா. சண்முகம் கூறினார்.