துருக்கி மற்றும் சிரியாவில் ஏற்பட்ட சக்தி வாய்ந்த நிலநடுக்கத்தால் பாதிக்கப்பட்டவர்களின் குடும்பங்களுக்கு சிங்கப்பூர் வெளியுறவு அமைச்சர் விவியன் பாலகிருஷ்ணன் அனுதாபம் தெரிவித்தார். இரு நாடுகளின் வெளியுறவு அமைச்சர்களுக்கு அனுதாபக் கடிதங்களை அனுப்பி வைத்தார். காயம் அடைந்தவர்கள் விரைவில் குணமடைய வேண்டும் என்று விருப்பம் தெரிவித்தார்.
இந்த பேரிடரில் உறவினர்களை இழந்து தவிக்கும் குடும்பங்களுக்கு ஆறுதல் தெரிவித்தார்.
நாட்டையே உலுக்கிய மிகப்பெரிய சக்தி வாய்ந்த நிலநடுக்கத் தாக்கத்திலிருந்து துருக்கி விரைவில் மீண்டும் இயல்பு நிலைக்கு திரும்பும் என்ற நம்பிக்கையையும் தெரிவித்தார்.
நிலநடுக்கம் ஏற்பட்ட இடங்களில் சிங்கப்பூரர்களுக்கு ஏதேனும் உதவி தேவைப்பட்டால் தலைநகர் அங்காராவில் உள்ள சிங்கப்பூர் தூதரகத்தை நாடலாம்.அல்லது இஸ்தான்புல்லில் உள்ள சிங்கப்பூர் கௌரவத் துணை தூதரக ஜெனரலை அணுகலாம்.
தொடர்பு கொள்ள வேண்டிய எண்களை அரசாங்கம் வெளியிட்டுள்ளது.
அங்காராவில் உள்ள சிங்கப்பூர் தூதரகத்தைத் தொடர்பு கொள்ள வேண்டிய எண்கள்:📞 +90 312 442 4330,+90 530 066 7331
இஸ்தான்புல்லில் உள்ள சிங்கப்பூர் கௌரவத் துணை தூதரக ஜெனரல் தொடர்பு கொள்ள வேண்டிய எண் : 📞 +90 212 339 1852
வெளியுறவு அமைச்சின் அலுவலகத்தைத் தொடர்பு கொள்ள வேண்டிய எண்கள்(24 மணி நேரம்):📞 +65 6379 8800 +65 6379 8855