பலத்த காற்றால் புலம்பெயர்ந்தோர்கள் பயணித்த படகு கவிழ்ந்து விபத்து!! கரை ஒதுங்கிய உடல்கள்!!
கிரேக்க நாட்டின் லெஸ்போஸ் தீவில் ஜனவரி 10ஆம் தேதியன்று பலத்த காற்று வீசியது.
இதன் காரணமாக 36 புலம் பெயர்ந்தோரை ஏற்றிச்சென்ற படகு ஒன்று பாறைகளில் மோதி விபத்துக்குள்ளானது.
இச்சம்பவம் ரிசார்ட் நகரமான தெர்மிக்கு அருகில் நடந்ததாக தெரிவிக்கப்பட்டது.
இந்த விபத்தில் ஒரு பெண் மற்றும் ஒரு ஆண் உயிரிழந்தனர்.
அவர்களின் உடல்களை லெஸ்போஸ் தீவின் பாறைகள் நிறைந்த கரைக்கு அருகில் கடலோரக் காவல் படையினர் மீட்டனர்.
மேலும் 18 பேர் மீட்கப்பட்டதாக அதிகாரிகள் தெரிவித்தனர்.
சிலர் கடலில் குதித்ததாகவும் அவர்கள் கூறினர்.
கடலோரக் காவல்படை மற்றும் காவல்துறையினர் அவர்களை தேடும் பணியில் ஈடுபடுத்தப்பட்டதாக தெரிவித்தது.