கடலை மாவால் முகத்தில் ஏற்படும் அதிசயங்கள் குறித்து உங்களுக்கு தெரியுமா…???

அனைவருக்கும் தங்களது சருமம் பொலிவான தோற்றத்துடன் இருக்க வேண்டுமென்பது நினைப்பதுண்டு. சரும ஆரோக்கியத்தைப் பாதுகாப்பது எல்லா வயதினருக்கும் அவசியமான ஒன்றாகும். அதற்காக சருமத்தை மெருகேற்ற பியூட்டி பார்லர் செல்ல வேண்டும் என்ற அவசியம் இல்லை. இதற்கு வீட்டிலேயே இருக்கும் சில பொருட்களைக் கொண்டு பளபளப்பான சருமத்தைப் பெறலாம். அத்தகைய ஒரு சிறந்த பொருள் தான் இந்த கடலை மாவு. இது பல தலைமுறை ஆக சருமத்தை பாதுகாக்கும் பொருளாக இருந்து வருகிறது. கடலை மாவு பொடியானது குழந்தைகள் முதல் பெரியவர்கள் வரை அனைவரும் பயன்படுத்த ஏற்றது.

இதில் காணப்படும் இயற்கை என்சைம்கள் மற்றும் கலவைகள் பல ஆண்டுகளாக மக்களால் பயன்படுத்தப்பட்டு வருகின்றன.ஏனெனில் அவை பல்வேறு தோல் பிரச்சினைகளை சரி செய்கின்றது.கடலை மாவு சருமத்தில் ஏற்படுத்தும் அசாதாரண மாற்றங்களை பற்றி இந்த பதிவில் தெரிந்து கொள்ளலாம்.

சருமத்தை சுத்தப்படுத்தும் கடலை மாவு:

கடலை மாவு சருமத்தை ஆழமாக சுத்தப்படுத்துகிறது. இது சருமத் துளைகளில் ஆழமாக ஊடுருவி ஒரு சிறந்த முக சுத்தப்படுத்தியாக செயல்படுகிறது. இது நாள் முழுவதும் துளைகளில் சேரும் அதிகப்படியான அழுக்கு மற்றும் எண்ணெயை திறம்பட நீக்குகிறது.