தடம் புரண்டது ரோலர் கோஸ்டர்! பயணித்தவர்களின் கதி?

ஸ்வீடன் தலைநகர் ஸ்டாக்ஹோமில் உள்ள Grona Lund பொழுதுபோக்கு பூங்காவில் ரோலர் கோஸ்டர் விபத்தில் ஒருவர் உயிரிழந்துள்ளதுடன் பலர் காயமடைந்துள்ளனர்.

பூங்காவின் ஜெட்லைன் ரோலர் கோஸ்டர் ஜூன் 25 அன்று ஒரு சவாரியின் போது ஓரளவு தடம் புரண்டதாக நேரில் பார்த்தவர்கள் தெரிவித்தனர்.

பார்க் செய்தித் தொடர்பாளர் Annika Troselius கூறுகையில், இது நம்பமுடியாத துயரமானது மற்றும் அதிர்ச்சியளிக்கிறது.

விபத்தின் பின்னர் 9 குழந்தைகள் மற்றும் பெரியவர்கள் மருத்துவமனையில் அனுமதிக்கப்பட்டுள்ளதாகவும், இதில் மூவர் படுகாயமடைந்ததாகவும் காவல்துறை தெரிவித்தனர்.

ஆம்புலன்ஸ்கள், தீயணைப்பு வாகனங்கள் மற்றும் ஹெலிகாப்டர் சம்பவ இடத்துக்கு வந்தன.

விசாரணையை ஆரம்பித்துள்ளதாக காவல்துறை தெரிவித்தனர்.

140 ஆண்டுகள் பழமையான கேளிக்கை பூங்காவான Grona Lund இந்த விபத்தால் மூடப்பட்டது.

Jenny Lagerstedt என்ற பத்திரிகையாளர் தனது குடும்பத்துடன் பூங்காவிற்கு வருகை தந்தார். ஒரு உலோக சத்தம் கேட்டதாகவும், விபத்து நடந்த நேரத்தில் பாதையின் அமைப்பு குலுங்குவதைக் கவனித்ததாகவும் அவர் கூறினார்.

அவர் மேலும் கூறுகையில், தனது குழந்தைகள் பயந்த நிலையில் ரோலர் கோஸ்டர் கார் ஒன்று கீழே விழுந்து கிடப்பதைக் கண்டார்.

Steel-tracked Jetline rollercoaster 90 கிமீ வேகம் மற்றும் 30 மீ உயரத்தை எட்டும், ஒவ்வொரு ஆண்டும் 1 மில்லியனுக்கும் அதிகமான பார்வையாளர்களைக் கொண்டு செல்கிறது.

இந்த விபத்து மர்மமானதாக இருப்பதாக ஸ்வீடனின் கலாச்சார அமைச்சர் Parisa Liljestrand கூறினார்.

ஊடக அறிக்கைகளின்படி, ஜெட்லைன் 1988 முதல் பொழுதுபோக்கு பூங்காவின் ஒரு பகுதியாக உள்ளது.