தெம்பனிஸ் சாலையில் கார் விபத்து…!!! ஓட்டுநர் மருத்துவமனையில் அனுமதி…!!!

தெம்பனிஸ் சாலையில் கார் விபத்து...!!! ஓட்டுநர் மருத்துவமனையில் அனுமதி...!!!

சிங்கப்பூர்:தெம்பனிஸ் சாலையில் இரண்டு கார்கள் மோதி விபத்துக்குள்ளானதில் ஒரு காரின் ஓட்டுநர் மட்டும் மருத்துவமனையில் அனுமதிக்கப்பட்டுள்ளார்.

கடந்த சனிக்கிழமை (பிப்ரவரி 22) இரவு 8.45 மணியளவில் காலாங்-பாயா லேபார் எக்ஸ்பிரஸ்வேக்கு (KPE) செல்லும் தெம்பனிஸ் சாலையில் விபத்து நடந்துள்ளது.

இச்சம்பவம் குறித்து தங்களுக்கு தகவல் கிடைத்ததாக போலீசார் தெரிவித்தனர்.

காரின் 30 வயது ஓட்டுநர் காயம் காரணமாக சாங்கி பொது மருத்துவமனைக்கு சிகிச்சைக்காக அனுப்பப்பட்டதாக சிங்கப்பூர் குடிமைத் தற்காப்புப் படை தெரிவித்துள்ளது.

இந்தச் சம்பவத்தை காட்டும் வீடியோ SG Road Vigilante YouTube பக்கத்தில் பகிரப்பட்டது.

வெள்ளை மற்றும் சிவப்பு நிற கார்கள் ஒன்றோடு ஒன்று மோதியதில், வெள்ளை நிற கார் தலைகீழாக கவிழ்ந்து கிடப்பதை பார்க்கலாம்.

போலீசார் விபத்து தொடர்பான விசாரணையை மேற்கொண்டுள்ளனர்.