அர்ஜுன் ரெட்டி படத்தில் நடித்த நடிகைக்கு நேர்ந்த மோசமான அனுபவம்…!!!

‘அர்ஜுன் ரெட்டி’ படத்தின் மூலம் புகழ் பெற்ற ஷாலினி பாண்டே, தனது திரையுலக வாழ்க்கையில் நடந்த ஒரு மோசமான அனுபவத்தை பற்றி பகிர்ந்துள்ளார்.

படப்பிடிப்பின் போது இயக்குனர் ஒருவர் எந்த ஒரு அறிவிப்பையும் கொடுக்காமல் அனுமதியின்றி தான் உடை மாற்றிக்கொண்டு இருந்தபோது திடீரென்று உள்ளே நுழைந்ததாக அவர் கூறினார்.

இந்த சம்பவத்தை ஷாலினி பாண்டே ஃபிலிமிகியனுக்கு அளித்த பேட்டியில் கூறினார். எனது திரைப்பட வாழ்க்கையில், நான் சில கெட்டவர்களுடன் பணியாற்றியதைப் போலவே, பல நல்லவர்களுடனும் பணியாற்றியுள்ளேன்.
எனக்கு எந்த திரைப்பட பின்னணியும் இல்லை. அது என் திரைப்பட வாழ்க்கையின் ஆரம்ப நாட்கள். அப்போது நான் ஒரு தென்னிந்திய படத்தில் நடித்துக்கொண்டிருந்தேன் என்று கூறினார்.

அந்த நேரத்தில், நான் வேனில் உடை மாற்றிக் கொண்டிருந்தேன். அந்த நேரத்தில், இயக்குனர் நேராக என் அறைக்கு வந்தார்.அனுமதி இல்லை, குறைந்தபட்சம் வேனின் கதவை கூட தட்டாமல் நேராக உள்ளே வந்தார். அவன் வேண்டுமென்றே அப்படிச் செய்தார்.