வெளிநாடு வேலைக்கு செல்பவர்கள் கவனத்திற்கு……

அங்கு நீங்கள் சென்று மெடிக்கல் போட்ட பின் போலியான ஆஃபர் லெட்டர் கொடுப்பார்கள்.மெடிக்கலுக்கென தனியாக தொகையும் பெற்றுள்ளனர்.ஓர் குறிப்பிட்ட தொகையை கூறி நீங்கள் அதை செலுத்தியவுடன் விசா வந்துவிடும் என்று கூறுவார்கள்.அனைத்தும் தயாராக இருப்பதாகவும் நீங்கள் பணத்தை செலுத்தியவுடன் வெளிநாட்டிற்கு சென்று விடலாம் என்று கூறுவார்கள். அங்கு சென்றபின் மீதத்தொகையை செலுத்தலாம் என்று கூறுவார்கள்.அந்த ஆஃபர் லெட்டரில் இருக்கும் நிறுவனத்தின் id , மொபைல் நம்பரை தொடர்பு கொண்டு அது உண்மையானதா என நீங்கள் சரிபார்த்தால் அது உண்மையானது தான் என நம்ப வைக்கும் அளவிற்கு அனைத்தையும் உருவாக்கியிருப்பார்கள். அவை அவர்களே உருவாக்கியதாக இருக்கும்.நீங்களும் நம்பி பணத்தை செலுத்தி விடுவீர்கள்.

இவர்கள் விரித்த வலையில் சிக்கியவர்கள் தங்கள் பணத்தை இழந்ததோடு ஏமாந்து அந்த பணம் திரும்ப கிடைக்குமா? கிடைக்காதா? என்று தவித்து வருகின்றனர்.

நீங்கள் கவனிக்க வேண்டியவை :

ஆஃபர் லெட்டரில் குறிப்பிடப்பட்டிருக்கும் வெப்சைட்,இ-மெயில் ஐடி ஆகியவற்றின் கடைசியில் .sg அல்லது .com.sg என்று இருக்க வேண்டும்.வேறு மாதிரி இருந்தால் அது போலியானது.

முதலில் நீங்கள் குறிப்பிட்ட தொகையை செலுத்துங்கள் நீங்கள் சிங்கப்பூர் சென்ற பிறகு மாதத்தவணையாக கட்டுங்கள் அல்லது உங்கள் சம்பளத்தில் பிடித்தம் செய்யப்படும் என்று அங்கீகரிக்கப்பட்ட ஏஜென்சிகள் கூற மாட்டார்கள். உங்களுக்கான ip ,விசா வந்ததுக்கு பிறகே பணத்தை செலுத்துமாறு அங்கீகரிக்கப்பட்ட ஏஜென்சிகள் கூறுவார்கள்.

வெளிநாட்டு நிறுவனங்கள் பொதுவாக அங்கீகரிக்கப்பட்ட ஏஜென்சி மூலமாக தான் வேலைக்கு ஆட்களை எடுப்பார்கள்.நீங்கள் எந்த ஏஜென்சி மூலமாக செல்ல உள்ளீர்களோ அது உரிமம் பெற்றிருக்கிறதா என்பதை முதலில் தெரிந்துகொள்ளுங்கள்.