சிங்கப்பூரின் சைனா டவுனில் உள்ள ஒரு உணவகத்தில் பிப்ரவரி 9ஆம் தேதி அன்று தகராறு ஏற்பட்டது.இதில் 29 வயதான நபர் ஒருவர் காயமடைந்தார்.அவர் அந்த உணவகத்தில் உணவருந்தியவர்களுடன் வாக்குவாதத்தில் ஈடுபட்டதாக கூறப்படுகிறது.
இச்சம்பவம் குறித்து மாலை 6:25 மணியளவில் தகவல் கிடைத்ததாக காவல்துறை தெரிவித்தது..இதனை அடுத்து காவல்துறையினரும், சிங்கப்பூர் குடிமைத் தற்காப்புப் படையினரும் சம்பவ இடத்திற்கு விரைந்தன.
காயமடைந்த அந்த நபரை சிகிச்சைக்காக மருத்துவமனைக்கு கொண்டு சென்றனர்.மேலும் இச்சம்பவம் குறித்து விசாரணைகள் நடந்து வருவதாக அதிகாரிகள் தெரிவித்தனர்.