இந்தியாவில் 2036 ஒலிம்பிக் போட்டியை நடத்த விண்ணப்பம்..!!!

புதுடெல்லி: இந்தியாவில் 2036 ஒலிம்பிக் போட்டிகளை நடத்த அனுமதி கோரி சர்வதேச ஒலிம்பிக் கமிட்டியிடம் இந்திய ஒலிம்பிக் சங்கம் விண்ணப்பித்துள்ளது.

ஒலிம்பிக் போட்டிகள் உலகின் மிகப்பெரிய விளையாட்டு நிகழ்வு ஆகும். இது 4 வருடங்களுக்கு ஒருமுறை சிறப்பாக நடத்தப்படுகிறது.

தற்போது, 2024-ம் ஆண்டுக்கான ஒலிம்பிக் போட்டிகள் பிரான்சின் பாரிஸில் சிறப்பாக நடந்து முடிந்தது.

இதையடுத்து, 2028ல், அமெரிக்காவின் லாஸ் ஏஞ்சல்ஸ் நகரில், ஒலிம்பிக் போட்டிகள் நடைபெற உள்ளன.

மேலும் 2032 ஆம் ஆண்டில், ஆஸ்திரேலியாவின் பிரிஸ்பேனில் ஒலிம்பிக் போட்டிகள் நடைபெறும்.

2036 ஒலிம்பிக் போட்டிகளை நடத்துவதற்கான முயற்சியை இந்தியா தொடங்கியுள்ளது.

இந்நிலையில், இந்தியாவில் ஒலிம்பிக் போட்டிகளை நடத்த அனுமதி கோரி சர்வதேச கமிட்டியிடம் இந்திய ஒலிம்பிக் சங்கம் விண்ணப்பித்துள்ளது.

இந்தியாவில் ஒலிம்பிக் போட்டிகளை நடத்துவதற்கு தகுதியான நகரங்கள், அவற்றில் உள்ள வசதிகள் மற்றும் தேவையான அனைத்து விவரங்களும் விண்ணப்பத்தில் கொடுக்கப்பட்டுள்ளன.

இந்நிலையில் 2028 அமெரிக்காவில் நடைபெறும் ஒலிம்பிக் போட்டியை எதிர்நோக்கி விளையாட்டு வீரர்கள் தீவிரமாக பயிற்சி பெற்று வருகின்றனர்.

Follow us on : click here