தீபாவளி தினத்திற்கு முன்தினமான அக்டோபர் 30-ஆம் தேதி சிங்கப்பூரில் லிட்டில் இந்தியா பகுதியில் சில சாலைகள் மூடப்படும். இந்த தகவலை காவல்துறை அதிகாரிகள் தெரிவித்தனர்.
சிராங்கூன் சாலையில் நெரிசல் மற்றும் வாகன போக்குவரத்து அதிகரிக்கும் என எதிர்பார்க்கப்படுகிறது.
இதனை கருத்தில் கொண்டு போக்குவரத்தைக் கட்டுப்படுத்த சில சாலைகள் மூடப்படுவதாக அதிகாரிகள் தெரிவித்தனர்.
பர்ச் சாலையில் அங்குலியா மசூதிக்கு அருகில் உள்ள பாதசரிகள் செல்லும் சாலை மாலை 4 மணி முதல் மறுநாள் அதிகாலை 4 மணி வரை மூடப்படும்.
பாதசாரிகள் கிட்சனர் லிங்க் அல்லது பாபு லேன் அருகே சாலையைக் கடக்குமாறு கேட்டுக் கொள்ளப்படுகிறார்கள்.தேவைப்பட்டால் கேம்பல் லேன் அருகிலுள்ள பாதசாரிகள் கடக்கும் பாதை மூடப்படலாம் என்று காவல்துறை தெரிவித்தனர்.
இது மூடப்பட்டால் சுங்கை சாலை மற்றும் டன்லப் ஸ்ட்ரீட்டில் பாதசாரிகள் சாலையைக் கடக்க முடியும்.