சிங்கப்பூரில் நடத்துப்பட்ட அதிரடி சோதனை!! 16 வயது சிறுமி உட்பட 67 பேர் கைது!!

மத்திய போதைப்பொருள் தடுப்புப் பிரிவினர் மேற்கொண்ட ஆறு நாள் சோதனையின் போது, போதைப்பொருள் குற்றச் செயல்களில் ஈடுபட்டதாக சந்தேகிக்கப்படும் 16 வயது சிறுமி உட்பட 67 பேர் கைது செய்யப்பட்டுள்ளனர்.

இந்த நடவடிக்கை அல்ஜூனிட், பீச் ரோடு, புக்கிட் பாடோக், புக்கிட் மேரா மற்றும் கார்ப்பரேஷன் டிரைவ் உள்ளிட்ட பகுதிகளும் அடங்கும்.இந்த நடவடிக்கை ஏப்ரல் 21 முதல் ஏப்ரல் 26 வரை நடைபெற்றது.

சுமார் $62,000 சிங்கப்பூர் டாலர் மதிப்புள்ள கஞ்சா, ஹெராயின் மற்றும் கெட்டமைன் போன்ற போதைப் பொருட்களை CNB கைப்பற்றியது.

புக்கிட் பாடோக்கில் கஞ்சா, எரிமின்-5 மாத்திரைகள், எக்ஸ்டஸி, ஐஸ், போதைப்பொருள் கருவிகள் மற்றும் $9,081 பணத்துடன் 50 வயது சிங்கப்பூரர் ஒருவர் பிடிபட்டார்.

மற்றொரு 46 வயது சிங்கப்பூர் நபர் கார்ப்பரேஷன் டிரைவில் கைது செய்ததாக தெரிவிக்கப்பட்டது.

கஞ்சா இலையை வைத்திருப்பது சட்டப்படி குற்றம் என்று பொதுமக்களை CNB எச்சரித்துள்ளது.

330 கிராமுக்கும் குறைவான கஞ்சாவுடன் பிடிபட்டவர்களுக்கு 10 ஆண்டுகள் வரை சிறைத்தண்டனை விதிக்கப்படலாம்.அல்லது $20,000 அபராதம் விதிக்கப்படலாம்.அல்லது இவ்விரண்டுமே விதிக்கப்படலாம்.

மேலும் அனைவரிடமும் விசாரணை நடைபெற்று வருவதாக அதிகாரிகள் தெரிவித்தனர்.