இயந்திர கருவி தீட்டிய ஓவியம் 1.3 மில்லியன் அமெரிக்க டாலருக்கு விற்பனையான அதிசயம்...!!!
ஐ-டா எனும் இயந்திர கருவி உருவாக்கிய “AI God” என்ற தலைப்பில் வரையப்பட்ட ஓவியம் ஒன்று நேற்று (நவம்பர் 7) ஏலம் விடப்பட்டது.
இந்த ஓவியம் ஏலத்திற்கு முன் சுமார் US$180,000 (230,000 வெள்ளி)க்கு விற்கப்படும் என எதிர்பார்க்கப்படுகிறது.
ஆனால் அந்த சாதனை 1.3 மில்லியன் அமெரிக்க டாலர்களுக்கு (1.7 மில்லியன் வெள்ளி) விற்கப்பட்டது.
தற்கால ஓவியம் மற்றும் செயற்கை நுண்ணறிவு தொழில்நுட்பம் இணைந்திருப்பது நவீன ஓவிய வரலாற்றில் ஒரு மைல்கல் என்று ஏலத்தை ஏற்பாடு செய்த சோத்பைஸ் நிறுவனம் தெரிவித்துள்ளது.
ஓவியம் உருவாக்கப்படுவதற்கு முன்பு அதற்கான யோசனைகளைப் பெற ஐ-டாவுடன் கலந்தாலோசித்ததாக அதன் உருவாக்கியவர் ஐடன் மெல்லர் கூறினார்.
ஆங்கிலேயக் கணிதவியலாளரான ஆலன் துரிங்கை வரைய வேண்டும் என்பது ஐ-டாவின் பரிந்துரை என்றும் அவர் கூறினார்.
ஐ-டா இன் யதார்த்தமான படைப்புகள் செயற்கை நுண்ணறிவின் வரம்பற்ற திறனை தொடர்ந்து வலியுறுத்துகின்றன.
இனிவரும் காலங்களில் உலகம் செயற்கை நுண்ணறிவின் பயன்பாட்டை நோக்கி நகரும் என மெல்லர் கூறினார்.
Follow us on : click here 
Instagram : https://www.instagram.com/sg_tamilan_official/profilecard/?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilansg