முன்னெச்சரிக்கையாக செயல்பட்டதால் பெரும் அசம்பாவிதம் தவிர்ப்பு!! மீண்டும் புறப்பட்ட இடத்திற்கே திரும்பிய விமானம்!!

சிங்கப்பூர் யுனைடெட் ஏர்லைன்ஸ் விமானம் சான் பிரான்சிஸ்கோ நோக்கி செல்லும் போது என்ஜினில் கோளாறு ஏற்பட்டது. இதனையடுத்து 2 மணி நேரத்திற்குள் மீண்டும் புறப்பட்ட இடமான சிங்கப்பூருக்கே திரும்பியது.

விமானத்தில் 197 பயணிகள், 14 பணியாளர்கள் இருந்தனர். அவர்களுக்கு எந்த காயமும் ஏற்படவில்லை. ஏர்லைன்ஸ் விமானம் UA 28 சாங்கி விமான நிலையத்தில் பாதுகாப்பாக மே 14-ஆம் தேதி சுமார் 11.04 மணியளவில் தரையிறக்கப்பட்டதாக விமான செய்தித் தொடர்பாளர் கூறினார்.

இந்த விமானம் 9 ஆண்டுகள் பழமை வாய்ந்தது என்பது குறிப்பிடத்தக்கது. இந்த விமானம் விமான நிலையத்திற்கு திரும்புவதற்கு முன் போயிங் 787-9 ட்ரீம்லைனர் 31000 அடி உயரத்தில் சென்றதாக ஏ2இசெட் இணையதளம் கூறியது.