சாலையில் இடிந்து விழுந்த ராட்சத உலோக தளம்!

தாய்லாந்தின் தலைநகரில் கட்டப்பட்டு வந்த ஒரு உயரமான சாலை இடிந்து விழுந்ததில் ஒருவர் உயிரிழந்தார்.ஜூலை 10 -ஆம் தேதி (நேற்று) போலீசார் தெரிவித்தனர்.

நகரின் கிழக்கே லாட் கிராபாங் டோல்வே கட்டுமானத் திட்டத்தில் ஒரு பெரிய உலோக கட்டுமான கர்டர், சாலையில் விழுந்தது, பாதசாரிகள் மற்றும் வாகன ஓட்டிகளை ஆச்சரியத்தில் ஆழ்த்தியது.

நகரின் நெரிசலான போக்குவரத்தை நிவர்த்தி செய்து கூட்ட நெரிசல் இன்றி செல்வதற்காக நகரத்தில் உயர்த்தப்பட்ட நெடுஞ்சாலைகளை அமைக்கும் திட்டத்தின் ஒரு பகுதியாக இந்த கர்டர் இருந்தது. விபத்துக்கான காரணம் குறித்து இதுவரை எந்த தகவலும் இல்லை.

நாட்டின் பேரிடர் தடுப்பு மற்றும் தணிப்புத் துறை அந்த விபத்து குறித்த வீடியோ பதிவை பகிர்ந்துள்ளது.நெடுஞ்சாலையின் முடிக்கப்படாத பகுதிகளுடன் இணைக்கப்பட்ட ராட்சத உலோக தளம் கீழே விழுந்து பின்னர் பூமியில் மோதியது போன்ற காட்சிகள் பதிவாகி இருந்தது.

இந்த விபத்தில் குறைந்தது ஒருவர் உயிரிழந்துள்ளதுடன், எட்டு பேர் வரை காயமடைந்துள்ளதாக காவல்துறை தெரிவித்துள்ளனர்.

விபத்துக்கான காரணம் இன்னும் தெரியவில்லை என்று பாங்காக் கவர்னர் சாட்சார்ட் சிட்டிபுன்ட் தெரிவித்தார்.

காயமடைந்தவர்களில் 4 பேர் கவலைக்கிடமாக இருப்பதாகவும் அவர் கூறினார். காணாமல் போனவர்கள் பற்றிய விவரங்கள் இன்னும் தெரியவில்லை.

மீட்புப் பணிகளைத் தொடங்குவதற்கு முன் பொறியாளர்கள் சரிவை ஆய்வு செய்வார்கள் என்று சாட்சார்ட் கூறினார்.

காணாமல் போனவர்களைத் தேடும்பணி கவனமாக மேற்கொள்ளப்பட்டு வருகிறது.

மீட்புப் பணியாளர் ஒருவர் சரிவின் பின்விளைவுகளின் படத்தைப் பகிர்ந்துள்ளார். அதிர்ச்சியடைந்த குடியிருப்பாளர்கள் மற்றும் பார்வையாளர்கள் சேதத்தை ஆய்வு செய்யும்போது சைரன்கள் ஒலிக்கின்றன.

சேதமடைந்த கர்டர் மற்றும் கட்டுமானத்தில் உள்ள நெடுஞ்சாலையின் பெரும்பகுதியும் இடிந்து விழுந்து சாலையை அடைத்தது.

தாய்லாந்து கட்டுமானத்தில் மோசமான பாதுகாப்பு பதிவைக் கொண்டுள்ளது. 2016 ஆம் ஆண்டில், கட்டுமானத்தின் போது கட்டிடம் இடிந்து விழுந்ததில் குறைந்தது 13 பேர் இறந்தனர்.