பொன்னமராவதியில் நடைபெற்ற மக்கள் தொடர்பு முகாம்!! அரசின் நலத்திட்ட உதவிகளை வழங்கி நிகழ்ச்சியை சிறப்பித்த கலெக்டர்!!

மேலும் பொதுமக்கள் அனைவரும் அளிக்கும் மனுக்கள் மீது மாவட்ட நிர்வாகத்தின் சார்பில் உரிய நடவடிக்கைகள் மேற்கொள்ளப்பட்டு விரைவில் தீர்வு காணப்படும் எனவும்.

அரசின் சார்பில் செயல்படுத்தப்படும் திட்டங்களின்கீழ் பயன்பெறுவதற்கு பொதுமக்கள் அனைவரும் கோரிக்கை மனுக்களை அளித்து பயன்பெறலாம் எனவும்.இம்மனுக்களின் மீது துறை சார்ந்த அலுவலர்களால் உரிய நடவடிக்கைகள் மேற்கொள்ளப்பட்டு வருவதை உறுதி செய்யும் வகையில் மாவட்ட ஆட்சியரகத்தில் கண்காணிப்பு அலுவலர் நியமிக்கப்பட்டு பொதுமக்களின் கோரிக்கை மனுவின் நிலை குறித்து அவ்வப்போது ஆய்வு செய்யப்பட்டு வருகிறது என்றும்.

எனவே பொதுமக்கள் அனைவரும் இம்முகாமினை உரிய முறையில் பயன்படுத்திக்கொண்டு தங்களது அடிப்படை தேவைகளை பூர்த்தி செய்துகொள்ள வேண்டும் என மாவட்ட ஆட்சித்தலைவர் ஐ.சா.மெர்சி ரம்யா பேசினார்.

பின்னர் மாவட்ட ஆட்சித்தலைவர் அவர்கள் வேளாண்மை பொறியியல் துறையின் மூலம் பயனாளிக்கு மின் மோட்டாரினையும், பிற்படுத்தப்பட்டோர் மற்றும் சிறுபான்மையினர் நலத் துறையின் மூலம் பயனாளிக்கு விலையில்லா தையல் இயந்திரத்தினையும், மாற்றுத்திறனாளிகள் நலத்துறையின் மூலம் மாற்றுத்திறனாளிகளுக்கு உதவி உபகரணங்களையும், தோட்டக்கலைத்துறையின் மில் மைய மூலம் பயனாளிகளுக்கு இடுபொருட்களையும், மாவட்ட தொழில் மையத்தின் மூலம் பாரத பிரதமரின் வேலைவாய்ப்பு உருவாக்கும் திட்டத்தின்கீழ் பயனாளிக்கு வாகனத்தினையும், மேலத்தானியம் தொடக்க வேளாண்மை கூட்டுறவு கடன் சங்கத்தில், அரிசி குடும்ப அட்டைதாரர்களுக்கு பொங்கல் பரிசாக ஒரு கிலோ பச்சரிசி, ஒரு கிலோ சர்க்கரை, முழுக் கரும்பு மற்றும் ரூ.1,000/- ரொக்கம், இலவச வேட்டி, சேலைகளையும் வழங்கினார்.

மேலும் மேலத்தானியம் அங்கன்வாடி மையத்தில் குழந்தைகளுக்கு வழங்கப்படும் உணவின் தரம் குறித்தும், அடிப்படை வசதிகள் குறித்தும் நேரில் பார்வையிட்டு ஆய்வு செய்தார்.

இந்நிகழ்வுகளில் இணை இயக்குநர் (வேளாண்மை) பெரியசாமி, இலுப்பூர் வருவாய் கோட்டாட்சியர் தெய்வநாயகி, மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் அமீர் பாஷா, மாவட்ட ஆதிதிராவிடர் மற்றும் பழங்குடியினர் நல அலுவலர் ஸ்ரீதர், துணை இயக்குநர் (சுகாதாரப்பணிகள்) மரு.ராம்கணேஷ், செயற்பொறியாளர் (வேளாண் பொறியியல்துறை) செல்வம், மாவட்ட தொழில் மைய பொதுமேலாளர் திரிபுரசுந்தரி, ஒருங்கிணைந்த குழந்தை வளர்ச்சிப் பணிகள் திட்ட அலுவலர் புவனேஸ்வரி, பெற்றோர் ஆசிரியர் கழகத் தலைவர் முத்து, உதவித் திட்ட அலுவலர் செல்வராஜ், வட்டாட்சியர் சாந்தா, வட்டார வளர்ச்சி அலுவலர் வீரையன், ஊராட்சிமன்றத் தலைவர் முருகேசன், உள்ளாட்சி அமைப்புகளின் பிரதிநிதிகள், அனைத்துத் துறை அரசு அலுவலர்கள் மற்றும் பயனாளிகள் கலந்து கொண்டனர்.