சிங்கப்பூரில் FairPrice சூப்பர்மார்க்கெட்டில் பணிபுரியும் Nestle Brand Promoter ஒருவர் மீது Nan பால் பவுடரை திருடியதாக குற்றம் சாட்டப்பட்டுள்ளது.
அவர் 83 முறை திருடியதாக தெரிவிக்கப்பட்டது. அதன் மொத்த மதிப்பு $26,000 சிங்கப்பூர் டாலர்.
அவர் திருடிய பால் பவுடர் சிலவற்றை ஆன்லைன் விற்பனை தளமான Carousell – இல் விற்றுள்ளதாக தெரிவிக்கப்பட்டது.
33 வயதுடைய Andy Liow Boon Chin தனது குற்றத்தை ஒப்புக்கொண்டார்.
இந்த குற்றத்திற்காக டிசம்பர் 19-ஆம் தேதி (நேற்று) தீர்ப்பு வழங்கப்பட்டது.
அவரது குற்றத்திற்கு ஒன்பது மாத சிறைத்தண்டனை விதிக்கப்பட்டுள்ளது.
அவர்மீது சுமத்தப்பட்டுள்ள மற்றொரு குற்றமும் கவனத்தில் எடுத்துக்கொள்ளப்பட்டது. அவர் இவ்வாண்டு ஜூன் 7-ஆம் தேதி கைது செய்யப்பட்டார்.