பள்ளத்தாக்கில் கவிழ்ந்து விழுந்த சுற்றுலா வேன்…… ஒருவர் பலி…..

ஞாயிற்றுக்கிழமை இரவு 8:20 மணிக்கு Penang-ல் உள்ள Bukit Genting பகுதியில் சுற்றுலா வேன் ஒன்று பள்ளத்தாக்கில் கவிழ்ந்து விபத்துக்குள்ளானது என்று, Seri Balik Pulau தீயணைப்பு மற்றும் மீட்பு நிலையத்துக்கு தகவல் தெரிவிக்கப்பட்டது.

தீயணைப்பு மற்றும் மீட்பு குழுவினர் சம்பவ இடத்திற்கு விரைந்தனர்.

இந்த விபத்தில் சிங்கப்பூரைச் சேர்ந்த பெண் ஒருவர் சம்பவ இடத்திலேயே உயிரிழந்தார் மற்றும் 10 பேர் காயமடைந்தனர்.

காயமடைந்தவர்களில் 9 பேர் சிங்கப்பூரை சேர்ந்தவர்கள் என்பது குறிப்பிடத்தக்கது.

மேலும் காயமடைந்தவர்கள் உடனடியாக மருத்துவமனைக்கு கொண்டு செல்லப்பட்டனர். பாதிக்கப்பட்டவர்களில் 8 பேர் பெண்கள் மற்றும் 3 பேர் ஆண்கள் என்றும், அவர்கள் விடுமுறைக்கு வந்த வயதான சுற்றுலா பயணிகளின் குழுவாக இருக்கலாம் என்றும், காவல்துறையினர் தெரிவித்தனர்.

விபத்துக்கான காரணம் குறித்து விசாரணை நடைபெற்று வருகின்றது என்று காவல்துறை அதிகாரி தெரிவித்தார்.