இயற்கையாகவே நீண்ட ஆயுளோடு வாழ்வது ஆண்களா…பெண்களா..???

இன்றைய காலகட்டத்தில் ஆண்கள் பெண்கள் என இருவரும் ஒருவருக்கொருவர் சளைத்தவர்கள் அல்ல. பெண்கள் ஆண்களுக்கு நிகராக வேலைக்குச் சென்று வருமானம் ஈட்டுகின்றனர்.ஆண்களும் வேலைக்குச் செல்லும் மனைவிமார்களுக்காக வீட்டில் சிறிது வேலைகளை செய்து வைக்கிறார்கள்.இன்றைய அவசர உலகில் இப்படி இருவரும் வேலையை சரிபாதியாக பிரித்து குடும்பத்திற்காக உழைக்கின்றனர்.

இப்படி இருக்கையில் இருவரும் தங்களின் ஆரோக்கியத்தின் மீது கவனம் செலுத்துவது அவசியம்.ஆரோக்கியமான உணவு நல்ல உடல் ஆரோக்கியத்தை தரும்.உடல் ஆரோக்கியத்தோடு இருந்தால் மட்டும் போதுமா நீண்ட ஆயுளோடு இருக்க வேண்டாமா..??

ஆம்.. சமீபத்திய ஆய்வு தரவு ஒன்று ஆண்களை விட பெண்கள் நீண்ட காலம் வாழ்வதாக தெரிவிக்கின்றன.

அந்த வகையில் அமெரிக்காவில் பெண்களின் ஆயுட்காலம் 80 ஆண்டுகள் என்றும், ஆண்களின் ஆயுட்காலம் 75 ஆண்டுகள் என்ற தகவல் வெளிவந்துள்ளது.

இதனை அமெரிக்காவின் கலிபோர்னியா மாகாணத்தில் உள்ள யு.எஸ்.சி லியோனார்ட் டேவிஸ் ஸ்கூல் ஆஃப் ஜெரண்டாலஜியின் உதவிப் பேராசிரியர் ஒருவர் இந்தக் கண்டுபிடிப்பு குறித்து அறிக்கை அளித்தார்.

ஆனால் அதில் எத்தனை ஆண்டுகள் அவர்கள் ஆரோக்கியமாக வாழ்கிறார்கள் என்ற கேள்விக்கு பெண்கள் ஆண்களை விட குறைவான ஆரோக்கியமான ஆயுட்காலத்தில் வாழ்கிறார்கள் என்று கூறப்படுகிறது.