லோன் வாங்கி இருக்கீங்களா..?? வட்டி குறைய வாய்ப்பு..!!! நிபுணர்கள் கூறுவது என்ன..???

இந்திய ரிசர்வ் வங்கி இந்த ஆண்டு தனது இரண்டாவது பணவியல் கொள்கைக் கூட்டத்தை இன்று(07.04.25 ) நடத்தியது.முன்னதாக, பிப்ரவரியில் நடைபெற்ற கூட்டத்தில், ரிசர்வ் வங்கி ரெப்போ விகிதத்தைக் குறைத்தது.

இதன் காரணமாக, கிட்டத்தட்ட அனைத்து வங்கிகளும் வட்டி விகிதங்களைக் குறைத்துள்ளன. இப்போது, ​​பாங்க் ஆஃப் அமெரிக்கா (BofA) குளோபல் ரிசர்ச் படி, இந்திய ரிசர்வ் வங்கி மீண்டும் ரெப்போ விகிதத்தைக் குறைக்கக்கூடும் என்று எதிர்பார்க்கப்படுகிறது.

ரெப்போ விகிதம் 0.25 சதவீதம் குறைக்கப்படலாம் என்று மதிப்பிடப்பட்டுள்ளது. அதன் பிறகு, புதிய ரெப்போ விகிதம் 6 சதவீதமாக இருக்கும் என்று கணிக்கப்பட்டுள்ளது.

இருப்பினும், இது தொடர்பான இறுதி முடிவு நாணயக் கொள்கை குழு கூட்டத்தில் மட்டுமே எடுக்கப்படும்.

ரெப்போ விகிதம் குறைந்தால் வங்கிகளின் வட்டி விகிதங்கள் குறையும்.இருப்பினும், ரெப்போ விகிதத்தின் விளைவு மிதக்கும் வட்டி விகிதத்தில் உள்ளது என்பதைக் கவனத்தில் கொள்ள வேண்டும்.வங்கிக் கடன்களில் இரண்டு வகைகள் உள்ளன.அவற்றில் மிதக்கும் மற்றும் நிலையான கடன்கள் என இரண்டு பிரிவுகளாக உள்ளன.