கேமிங் பயனாளர்களே ரெடியா இருங்க…!!!ஏப்ரல் 10 இல் களமிறங்கவுள்ள புதிய Xiaomi ஸ்மார்ட் டிவி..!!!

Xiaomi நிறுவனம் ஏப்ரல் 10 ஆம் தேதி இந்தியாவில் Xiaomi QLED TV X Pro தொடரை அறிமுகப்படுத்த உள்ளது. இந்த புதிய ஸ்மார்ட் டிவிகள் தனித்துவமான வடிவமைப்பு மற்றும் தரமான அம்சங்களை கொண்டுள்ளது. Xiaomi QLED TV X Pro தொடர் மாடல்களின் சில அம்சங்கள் ஆன்லைனில் கசிந்துள்ளன.

Xiaomi QLED TV X Pro தொடர் அம்சங்கள்:

இந்த புதிய Xiaomi ஸ்மார்ட் டிவிகள் 4K தெளிவுத்திறன் மற்றும் மேம்படுத்தப்பட்ட பிரகாசத்துடன் வரும். இந்த புதிய டிவிகள் கேம் பூஸ்டர் பயன்முறையைக் கொண்டிருக்கும் என்றும் தெரிவிக்கப்பட்டுள்ளது.

Xiaomi QLED TV X Pro தொடர் மாதிரிகள் 64GB சேமிப்பகத்துடன் வெளியிடப்படும். இந்த தொலைக்காட்சிகளில் OK Google குரல் தேடல், Google TV தளம் மற்றும் பெசல் லேல் வடிவமைப்பு உள்ளிட்ட பல சிறப்பு அம்சங்களும் உள்ளன.தற்போது, ​​Xiaomi QLED TV X Pro தொடர் மாடல்களின் சில அம்சங்கள் மட்டுமே வெளியிடப்பட்டுள்ளன.

இந்த டிவிகளின் அனைத்து அம்சங்களும் விரைவில் வெளியிடப்படும். மேலும், ஏற்கனவே அறிமுகப்படுத்தப்பட்ட Xiaomi X Series 50 Inch Ultra HD 4K ஸ்மார்ட் டிவி தற்போது தள்ளுபடி விலையில் கிடைக்கிறது.

அதாவது Xiaomi X Series 50-inch Ultra HD 4K ஸ்மார்ட் டிவி Flipkart-ல் 33 சதவீத தள்ளுபடியில் கிடைக்கிறது, இதன் விலை ரூ. 29,999 மட்டுமே. மேலும் குறிப்பிட்ட சில வங்கி அட்டைகளைப் பயன்படுத்தி இந்த டிவியை வாங்கினால் ரூ. 2000 தள்ளுபடியும் உண்டு.எனவே நீங்கள் இந்த டிவியை ரூ.27,999க்கு வாங்கலாம்.

Xiaomi X Series 50 Inch Xiaomi X Series அம்சங்கள்: Xiaomi X Series TV Ultra HD 4K டிஸ்ப்ளேவுடன் வருகிறது. இந்த டிவியில் 3840 × 2160 பிக்சல்கள், 178-டிகிரி பார்வை கோணம் மற்றும் HDR 10 உள்ளிட்ட டிஸ்ப்ளே அம்சங்களும் உள்ளன.எனவே இந்த Xiaomi TV உங்களுக்கு சிறந்த திரை அனுபவத்தை வழங்கும்.