உலகளவில் ரூ.650 கோடி வசூல் செய்து சாதனை படைத்த 'சாவா' திரைப்படம்...!!!
விக்கி கௌஷல்-ரஷ்மிகா மந்தனா நடித்த ‘சாவா’ திரைப்படம் உலகளவில் ரூ.650 கோடி வசூலித்துள்ளதாக தகவல்கள் வெளியாகியுள்ளன.
மராட்டியப் பேரரசர் சத்ரபதி சிவாஜி மற்றும் ஷாஜிபாயின் மூத்த மகன் சத்ரபதி சாம்பாஜி மகாராஜாவின் வாழ்க்கையை மையமாக வைத்து எடுக்கப்பட்ட படம் தான் ‘சாவா’.
லக்ஷ்மன் உடேகர் இயக்கியுள்ள இந்தப் படத்திற்கு ஏ.ஆர். ரஹ்மான் இசையமைத்துள்ளார். பிரபல பாலிவுட் நடிகர் விக்கி கௌஷல் இந்த படத்தில் மகாராஜா சத்ரபதி சாம்பாஜியாக நடிக்கிறார். நடிகை ராஷ்மிகா மந்தனா சாம்பாஜியின் மனைவி மகாராணி ஏசுபாயாக நடித்திருக்கிறார்.
நடிகர் அக்ஷய் கண்ணாவும் ஒரு முக்கிய வேடத்தில் நடிக்கிறார். ரூ. 130 கோடி பட்ஜெட்டில் தயாரிக்கப்பட்ட இந்தப் படம், கடந்த 14 ஆம் தேதி திரையரங்குகளில் வெளியிடப்பட்டு, பொதுமக்களிடமிருந்து நல்ல வரவேற்பைப் பெற்றுள்ளது.
பிரதமர் மோடி சாவா படத்தைப் பாராட்டியிருந்தார். இந்நிலையில் வரலாற்று திரைப்படமான ‘சாவா’ உலகளவில் ரூ.650 கோடி வசூலித்து சாதனை படைத்துள்ளது. மத்திய பிரதேசத்தில் இந்த படத்திற்கு வரி விலக்கு அளிக்கப்பட்டுள்ளது குறிப்பிடத்தக்கது.
Follow us on : click here
Instagram : https://www.instagram.com/sg_tamilan_official?igsh=eG16Z3B6NW93bmw0
Facebook : https://www.facebook.com/profile.php?id=100089382270449&mibextid=ZbWKwL
Telegram : https://t.me/tamilan