காவல்துறை அதிகாரியிடம் முரட்டுத்தனமாக நடந்து கொண்ட நபர் கைது..!!!

சிங்கப்பூர்: சிங்கப்பூரில் காவல்துறை அதிகாரி ஒருவரை தாக்கியதாக சந்தேகிக்கப்படும் நபர் ஒருவர் கைது செய்யப்பட்டுள்ளார்.

41 வயதான அந்த நபர் வேறு சில குற்றங்களையும் செய்துள்ளதாக கூறப்படுகிறது.

நேற்று முன்தினம் (பிப்ரவரி 15) இரவு சுமார் 7.35 மணியளவில் பிளாக் 81, வம்போ டிரைவில் நடைபெற்ற சம்பவம் குறித்து காவல்துறைக்கு தகவல் தெரிவிக்கப்பட்டது.

அங்கு ஆண் ஒருவர் பெண்ணை தடியால் அடிக்க முயன்றதை அங்குள்ள மக்கள் பார்த்ததாகத் தெரிவித்தனர்.

ஆனால் போலீசார் சம்பவ இடத்திற்கு வருவதற்குள் அந்த நபர் தப்பியோடிவிட்டார்.

விசாரணையில், அந்த நபரின் அடையாளம் மற்றும் இருப்பிடத்தை அதிகாரிகள் கண்டுபிடித்தனர்.

அவர்கள் அந்த நபரை கைது செய்ய முயன்றபோது, அவர் ஒத்துழைக்க மறுத்து முரட்டுத்தனமாக நடந்து கொண்டார்.

அவர் காவல்துறை அதிகாரியை தடியால் தாக்கியதாகவும், அவர் மீது குவளையை வீசியதாகவும் கூறப்படுகிறது.

இதனால், 49 வயது போலீஸ் அதிகாரிக்கு தலை மற்றும் மணிக்கட்டில் காயம் ஏற்பட்டது.

இதனால் அவருக்கு 2 நாட்கள் மருத்துவ விடுப்பு வழங்கப்பட்டது.

காவல்துறை அதிகாரியை தாக்கியதாக நம்பப்படும் நபர் மீது இன்று நீதிமன்றத்தில் இரண்டு குற்றச்சாட்டுக்கள் சுமத்தப்பட உள்ளது.

காவல்துறை அதிகாரி தனது கடமையை செய்ய இடையூறாக இருந்த குற்றம் நிரூபிக்கப்பட்டால் அந்த நபருக்கு 7 ஆண்டுகள் வரை சிறை தண்டனை, அபராதம் மற்றும் பிரம்படிகள் விதிக்கப்படும்.

அந்த நபர் செய்ததாக நம்பப்படும் மற்ற குற்றங்கள் தொடர்பான விசாரணைகள் நடந்து வருகின்றன.