பும்ரா இல்லைனா கோப்பையை வெல்வது கடினம்..!!! முன்னாள் பயிற்சியாளர் கருத்து…!!!

இந்தியா – இங்கிலாந்து அணிகள் மோதும் முதல் ஒருநாள் போட்டி நாக்பூரில் வரும் 6ம் தேதி தொடங்குகிறது.

இந்தியா – இங்கிலாந்து இடையே சமீபத்தில் நடந்து முடிந்த 5 போட்டிகள் கொண்ட டி20 தொடரை 4-1 என்ற கணக்கில் இந்தியா கைப்பற்றியது. வருண் சக்ரவர்த்தி இந்தத் தொடர் முழுவதும் 14 விக்கெட்டுகளை வீழ்த்தி அசத்தினார். இவரின் பந்துவீச்சை சமாளிக்க முடியாமல் இங்கிலாந்து வீரர்கள் திணறினர் என்பது குறிப்பிடத்தக்கது.

3 போட்டிகள் கொண்ட இந்தத் தொடர் வரும் 12ம் தேதி வரை நடக்கிறது. மூன்றாவது ஒருநாள் போட்டியில் பும்ரா விளையாடுவார் என்று தெரிகிறது. ஆனால் இது குறித்து பிசிசிஐ இன்னும் இறுதி முடிவு எடுக்கவில்லை.

வரும் 11ம் தேதிக்குள் வீரர்களை மாற்ற ஐசிசி அனுமதி அளித்துள்ளது. பும்ரா அணியில் இருப்பாரா அல்லது சாம்பியன்ஸ் கோப்பை தொடரில் அவர் பங்கேற்க மாட்டாரா என்பதில் சந்தேகம் உள்ளது.இந்த சந்தேகத்தை உறுதிப்படுத்தும் வகையில் தற்போது இந்திய அணியில் வருண் சக்ரவர்த்தி சேர்க்கப்பட்டுள்ளார்.