சிங்கப்பூர் : பாசிர் பஞ்சாங் துறைமுகத்தில் ஊழியர் மீது கன்டெயினர் விழுந்து விபத்து!!

பாசிர் பஞ்சாங் துறைமுகத்தின் 3 வது முனையத்தில் கன்டெயினர் விழுந்ததில் 37 வயதுடைய போர்க்லிப்ட் டிரைவர் காயமுற்றுள்ளார்.

இன்று காலை 6.55 மணியளவில் சிங்கப்பூர் குடிமைத் தற்காப்பு படைக்கு தகவல் கிடைத்ததாக தெரிவித்தது.

இச்சம்பவம் இன்று காலை 6.40 மணிக்கு நேர்ந்தது.

தேசிய பல்கலைக்கழக மருத்துவமனைக்கு காயமடைந்த போர்க்லிப்ட் டிரைவர் கொண்டு செல்லப்பட்டார்.

கண்காணிப்பு கேமராவில் பதிவான வீடியோ ஆன்லைனில் பதிவேற்றம் செய்யப்பட்டது.

போர்க்லிப்ட் டிரைவர் ஒரு கன்டெயினரை தூக்கி கொண்டு பின்னோக்கி செல்வதைக் காண முடியும்.

அப்போது அருகில் அடுக்கி வைக்கப்பட்டிருந்த 5 கொள்கலன்கள் சரிந்து விழுந்து போர்க்லிப்ட் மீது விழுந்தது.இதனால் போர்க்லிப்ட் டிரைவர் தரையில் விழுந்தார்.

இந்த சம்பவம் குறித்து விசாரணை நடைபெற்று வருவதாக CNA விடம் PSA தெரிவித்தது.

மேலும் காயமடைந்த டிரைவருக்கு உதவி மற்றும் ஆதரவு வழங்குவதாகவும் தெரிவித்தது.